Tea Time With Jojo for the first time

ما راح اشرح شي عن الفيديو او عن الموضوع

اتمنى تسمعوه و تستمتعو ^^

Be Close

xoxo

♥♥

:

Summer's Here: Travel #3

مره من زمان عن البلوق =(
للأسف الأيام هذي مشغوله بالعافيه الاقي اوقات للفيديوز
لكن إن شاء الله يرجع كل شي زي ما كان =)

فيديو اليوم بكل إختصار عن كيف ترتبي شنطة السفر

في كم نصيحه ان شاء الله تفيدك ..

Enjoy ♥♥

Be Close

xoxo

:

Summer's Here: Travel #2

الفيديو اليوم يتكلم عن المستحضرات اللي تاخذيها معاكي في السفر

طبعا من بنت للثانيه تختلف الإحتياجات

لكن تقريبا هذي هي المستحضرات العامه ..

خلي الفيديو كـ مراجعه لكي قبل السفر

و إن شاء الله تستفيدي =)

Be Close
xoxo


:

COMING SOON ENSHALLAH

إعلان الفائزات

تم اختيار الفائزات الحمدلله

كان نفسي اني اصورلكم هي زي ما سويت في القيف اواي الاولى

بس كيك مو راضي يشتغل على الآيفون =(

الفائزه بالقيف اواي (1)

Mirr0r 

الفائزه بالقيف أواي (2)

هدى المعاوي

حبيباتي إن شاء الله أول ما اقدر حأتواصل معاكم و اسألكم الأسئله

اللي احتاجها عشان اوصلكم هداياكم =)

و إن شاء الله اول ما اوصل جده ارسلها لكم ..

ألف مبروك .. و الباقيات جاهزين للقيف أواي اللي بعدها ؟ P=

أو طفشتو كل شويا قيف اواي ؟ ههههههههه

ردولي عشان اشوف ايش رايكم لو سويت قيف اواي خلال الاسابيع الجايه ؟!

شكرا لكل اللي اشترك و إن شاء الله الجاي أحلى =)

 Be Close

xoxo

:

Summer Haul 2O12

جا موسم الصيف

و حنستمتع بالألوان في كل مكان

هذي مشترياتي لـ هذا السيزون و إن شاء الله تعجبكم

و تعطيكم الهام في الشوبنق =)

الفيديو على جزئين 

1

2

ENJOY <3

Be Close 

xoxo

:

Summer's Here: Travel

أهلين جميلاتي =)

الفيديو فكره عامه عن الملابس اللي ممكن تاخذيها معاكي في شنطة السفر و تستفيدي منها بأكثر من طريقه

و إن شاء الله في إيطار هذا الموضوع راح اسوي فيديو عن كيف ترتبي شنطة السفر
و عن إيش الأشياء الضروريه اللي تاخذيها معك في السفر

يعتبر كـ مراجعه لكي في حال نسيتي شي =)

إن شاء الله يفيدكم الفيديو و انتظرو فيديوات اكثر عن السفر ^^

ENJOY

Be Close

xoxo

:



Tea Time With Jojo ..

الفيديو اليوم تعريف عن فكره جديده إن شاء الله

حتكون كل اسبوع يوم الجمعه ..

نتكلم عن كل شي نبغاه بعيد عن الميك اب و الفاشن

أشياء أعمق من كذا =)

شوفو الفيديو و اكتبولي ايش رايكم ^^

ENJOY <3

Be Close

xoxo

Body Brushing? and Dry?

الموضوع هذا أعرفو من فتره طويله

و مره مره ندمانه اني ما كنت أسويه من يوم ما عرفتو أو حتى ما قرأت عنو أكثر

آخر شهر جلست عليه جلسه محترمه حاولت أفهمو مزبوط ..

و قررت أقولكم و اعرّفكم عليه لو ما تعرفوه او لو كنتم زيي عارفينو بس مو فاهمين اهميتو و فوايدو =)

السبب الخاطئ اللي أغلب الناس عارفين عنو بس مهملينو لانهم فاهمينو غلط

زيي مثلا .. أنا لما عرفت عنو كل اللي قرأتو انو ينفع للـ سولولايت و يكسرها و كذا

أبدا ما همني لان ما عندي سولولايت .. و كثير ناس يقولو ان الناس فاهمين مهملينو

محسبينو بس للـ سولولايت فـ الناس اللي ما عندهم يطنشو

المعلومات الحلوه و اللي عرفتها عنو مو بس للـ سولولايت

فـ لو ما كان عندك سولولايت برضو كملي قرأه لان الشي هذا جدا جميل

زي ما قلت أعرفو من فتره طويله لكن اخر شهر اتكثفت فيه أكثر

البودي برشنق هو انك تمسحي على جسمك بـ فرشة جسم لكن بدون مويا او بدون كريم

ضروري يكون جلدك جاف.. عشان كذا اسمو

Dry Brushing

غالبا البودي برشنق يسوه في السبا ..

عشان يعطي جسمك مظهر جميل و "slim"

بس عادة يكون غالي .. و البودي برشنق عشان تبان نتايجو صح

لازم يكون يوميا و لو مو قادره يوميا على الأقل على الأقل 4 أيام في الأسبوع

ايش حيوديكي 4 أيام كل اسبوع لـ سبا عشان تسوي التريتمنت هذا و طبعا يكون بالمبلغ الفولاني

غير انو اصلا مو كل السباز عندهم

طيب خلونا نتكلم أكثر على فوايدو =)

أول شي الـ دراي برشنق راح يحرك الدوره الدمويه في جسمك

راح يعطيكي طاقه و انتعاش .. طبعا في طريقه معينه للبودي برشنق راح أذكرها تحت إن شاء الله

زي ما قلنا يحرك الدوره الدمويه و بالتالي شوفي كمية الفوايد اللي جسمك حيحصل عليها

يخلصك من الجلد الميت بإستمرار .. فـ جلدك دايما حيكون صحي و نظيف

لو كان عندك سولولايت هذا أحسن حل لك

لان أصلا اللي اقنعني فيه تجارب الناس اللي كان عندهم سولولايت و اتخلصو منها

بما انك جالسه تحركيه على جسمك و هو جاف راح يحرك الدم و راح يكسر الخلايا الدهنيه حقت السولولايت

فـ تتفتت و تتخلصي منها إن شاء الله

مع الوقت لما تتعودي عليها و تصيري تسويها بـ إستمرار .. الحركه اللي تسويها فيها

راح تخلي الدهون تتوزع بدل ما تكون في مكان واحد .. يعني جسمك حيستفيد من الدهون المفيده

و الدهون الغير مفيده تتخلصي منها بالمشي و المويا و الرياضه البسيطه

تشجع خلايا الجلد على انها تجدد دايما .. فـ ما يكون في بهتان في جلدك

بشرتك حتكون smooth smooth smooth

حيكون كأنك جالسه ترطبيها 24 ساعه .. حيكون في Glow و مظهر صحي على بشرة جسمك

يحفز الجسم على إفراز الدهون الطبيعيه للبشره .. فـ بشرتك ما حتكون دهنيه و لا جافه

حتكون معتدله طبيعيه

يعوّد جسمك على مكافحة الدهون و السولولايت ..

و إنتي شوفي كمية الفوايد اللي حتحصليها فقط من "تحرك الدوره الدمويه" بـ شكل منتظم

الآن نجي لـ الطريقه الصحيحه للـ بودي برشنق

أول شي لازم كل التحركات تكون لـ جهة القلب ..

إبدأي من تحت عند رجولك

من باطن القدم و بعدها من فوق القدم

بعدها انتقلي للساق .. و طبعا بحركه لـ أعلى يعني على فوق

كأنك مثلا تسوي شايفنق لرجولك ..

ما ينفع تمسكي الرجل و الساق للفخوذ كلها بـ حركه وحده

لا

زي ما قلت تبدأ من تحت الرجل للساق بخطوط مستقيمه لأعلى يعني لجهة القلب

لانك بكذا تحفزي الدم يتحرك للقلب .. و هذي هي النقطه الأساسيه =)

لما توصلي للفخوذ حركي الفرشه بـ حركه دائريه للأعلى ..

ابدأي من قدام الفخوذ و بعدها من ورا الفخذ كمان بحركه دائريه للأعلى

حتى مؤخرتك سويها بـ حركه دائريه للأعلى

طبعا نوصل لليد .. حتى كف اليد سويه

يدك ابدأيها من الكف للذراع و حركيها حركات مستقيمه للكتف

طبعا تسوي الحركه لليدين

بعدها بطنك في طريقتين

حركي الفرشه بـ حركات خطوط مستقيمه للأعلى يعني لجهة قلبك

و نفس الشي حاولي قد ما تقدري الظهر كمان

او انك عند بطنك حركيها على تحت و ظهرك على فوق

طبعا اللي خارج عن المعادله هذي اللي هو صدرك و وجهك

بما ان الجلد هناك حساس أكثر من اي مكان في الجسم ما راح يحتاج تسويه

لو كنتي اول مره تسويها حتلاحظي انو و انتي تفرشي جسمك جلدك حيدغدغك

و ممكن يقرصك شويا .. و هذا طبيعي بما انو لسا جلدك ما تعود

لكن الكل يقول انو بعد ما يتعود عليها الجسم حيكون عادي

ابدأيها تدريجيا .. يومين كل اسبوع بعدين 3 ايام بعدين 4 ايام ألين تسويها كل يوم

يفضل يكون في الصباح .. و طبعا لو كنتي حتاخذي شاور يفضل يكون قبل الشاور

و بعد الشاور حطي كريماتك و كل شي ..

ضروري ضروري يكون جلدك جاف .. لا تسويها مع اي مرطب او اي كريم

و بدون أي مويا

النتايج مع المداومه حتبان أكيد

جلدك راح يكون ناعم و سموث .. و شكل جسمك حيكون احلى و ارتب

و بدون دهون زايده .. لان حركة الدم تحرقلك الدهون أول بأول

نظفي الفرشه مره كل اسبوع بالمويا و الصابون

بعد ما يتعود جسمك على البودي برشنق ابدأي سويها كل يوم

ضروري تكون الحركه للأعلى بإتجاه القلب

لا تفرشي جسمك بخشونه .. خليها تكون حركات ناعمه و خفيفه

اللي خلاني ارجع اسوي سيرتش عنو .. فجأه افتكرت شي

وحده نعرفها ما شاء الله .. عمرها في اواخر الأربعينات

جسمها دايما ناعم ما شاء الله .. و جسمها على عمرها بس ما في دهون

لما كانت أصغر و بداية ما تزوجت راحت عاشت في لندن

و من يوم ما عرفت عن هذا الشي سارت تسويه

و من جد ما شاء الله بانت نتايجو كويس و هي في اواخر الاربعينات مبسوطه و مرتاحه بجسمها

مره شي مهم انك تفكري لـ بعدين .. قبل اي شي تستخدميه على جسمك او بشرتك

فكري كيف ممكن يكون جسمك او بشرتك لما تكوني أم و في الـ خمسينات

مره احب الحريم اللي يهتمو في نفسهم .. و كانو ذكيات لما كانو اصغر

=)

هذا الشي إن شاء الله راح اداوم عليه و ابدأ اسويه و أخليه شي أساسي من روتيني اليومي

على فكره الفرشه .. أنا كنت اليوم في مجمع العرب و سألت في بوتس ما لقيت

ممكن اسأل في بودي شوب .. و لو لقيتها طبعا حأقولكم =)

تقدري تسوي سيرتش عن شكل الفرشه و تفهمي أكثر

كمان لو ما فهمتي طريقتي سوي سيرتش في اليوتيوب اكتبي

Body Dry Brushing

معليش ما حطيت الفيديو بس لان الحريم اغلبهم لابسين بكينيز P=

عموما اتوقع الكلام مفهوم الا لو كنتي محتاجه تشوفي كيف يسووها

إن شاء الله أفدتكم و تكون معلومات مفيده =)

من جد شي رائع و ما حبيت أخليه لـ نفسي ^^

Be Close

xoxo

:



My tools to my Curls

السلام عليكم

البوست اليوم حيكون عن الأغراض و المنتجات اللي أستخدمها لما اسوي شعري ويفي

طبعا أنا اقصد كيف لما اسوي شعري بـ شكل طبيعي

أو بشكل عادي .. اللي هي الويفز الطبيعيه

لما يكون عندي جمعة بنات أو مناسبه بسيطه

أحلى شكل لما تكون طبيعيه ..

كثير كثير كثير يسألوني عن كيف أسوي شعري ويفي

طبيعة شعري الأساسيه ويفي .. فـ أنا بحاول أقرب الصوره الطبيعيه بس بشكل مرتب

ممكن إن شاء الله في فيديوهات قادمه أوريكم التكنيك بالزبط و كيف أسويه

لكن الآن راح أعرض الأدوات و المستحضرات اللي أستخدمها ..

طبعا أنا أسويها بـ طريقتين .. يا إني ابدأ بشعري و هو طبيعي

يعني بدون ما اخليه ستريت قبل .. و هذا راح يعطيكي لوك طبيعي أكثر لـ شعرك

أو إني افردو اول بالستريتنير بعدين استخدم الفير

أنا استخدم الفير حق جوسي إيبير

لو كنتي تدوري على فير حلو أو لو كنتي محتاره على جوسي إيبير

لا تترددي تشتريه

سار موضوع اني اسوي شعري شي سهل و ما ياخذ وقت

و اللي مره يجنن ان الكيرلز تثبت معاكي يومين بدون اي سبراي في الحياه ..

في منو 3 مقاسات .. أنا عندي الوسط اللي هو 19

و إن شاء الله قريب راح أشتري المقاس 25

بس الحلو في 19 انو تقدري تسوي منو كيرلي و تقدري تسوي ويفي ..

يعني لو كنتي ما تبي تشتري الا واحد .. انصحك بمقاس 19 لانك حتستفيدي منو أكثر

يجي معاه قلفز .. من اول ما تشبكيه يحتر و على طول تستخدميه ..

تلفي الشعره عليه 10 ثواني يكفي انها تلفلك الشعره و تثبت ليومين او اكثر

انا عندي من سنه تقريبا .. و ما شاء الله ما خرب و الحراره زي ما هي =)

أشتريتو من الموزع الرسمي لـ جوسي إيبير في السعوديه

لو حابين سوو سيرتش و يطلعلكم موقعهم ..

همم ناسيه بكم اشتريتو بس تقريبا 200 و شي ..

الخطوه اللي بعد .. حسب أحيانا اسويها قبل و أحيانا بعد

اللي هي اني اعطي حجم للشعر ..

ما أسويها كثير ..



أتكلمت قبل عن الشي الجميل هذا

من سبراي مكثف من ويلا .. راااااائع

في منو بخاخ و في منو موس .. لكن البخاخ افضل من الموس بـ نظري

و من بعد ما اتكلمت عنو كثير بنات جربوه و قالولي عن جد نفع معاهم ..

يعطي شعرك كثافه حلوه .. يعني لو كان شعرك قليل صدقيني حتحبيه ..

الحمدلله شعري كثير .. فـ بس أبخ كم بخه بسييييطه على أطراف الشعر و يعطي شكل مكثف حلو

لكن بطلت أسوي كذا .. سرت استخدمو للـ teasing

اللي هو اني اسوي حجم عند تاج الراس ..

يعني راسك من فوق أحيانا يكون مسطح و يطلع شكلك غريب

أنا بس أبخ من البخاخ على تاج الراس و يعطي حجم حلوووو

و لو كنت مطوله برا البيت و أحتاج ان الحجم يكون ثابت

استخدم الفرشه اللي في الصوره .. أسوي تيزنق بسيط لـ شعري و ابخ البخاخ

و حيكون كل شي كويس =)

الخطوه الأخيره برضو جدا نادرا اسويها اللي هي أبخ سبراي

بما انو ما شاء الله الفير ما يحتاج معاه سبراي و من جد يثبت بالأيام بدون ما تبخي أي بخة مثبت

بس أحيانا لما اسوي ويفز مره كبيره .. شعري ناعم فـ ممكن يفك

فـ ابخ من السبراي هذا بخات بسيطه

أحلى بخاخ سبراي جربتو .. مره خفيف فـ ما تحسي ان شعرك سار يابس

او يزيت .. حلو انو يخلي شعرك طبيعي بدون ما يعطي لوك ميبس للشعر

تعرفو اللوك حق لما تحطي سبراي مو كويس على شعرك يقوم يخليه مره واقف و قاسي

في منو درجات .. بخاخ مثبت قوي و عادي

من لوريال طبعا =)

تقريبا هذي هي الأدوات و المستحضرات اللي أستخدمها ..

إن شاء الله يكون البوست فادكم اليوم ^^

على فكره أنا متوقفه حاليا عن الفيديوز لان ما عندي برنامج إيديت

و إن شاء الله راح أشتري واحد قريب و أرجع انزلكم فيديوز =)

Be Close

xoxo

:

Some ME Time #2

In Your "Me Time" Try to do Something That Makes YOU Happy

قد قبل اتكلمت عن الـ Me Time

راح أحط الرابط عشان تشوفوه

A Post To Relax: Some ME Time

من أهم الأشياء اللي أحب أسويها في الوقت المخصص لي

إني أسوي شي يخليني فرحانه

من شخص لـ آخر يختلف هذا الشي

لكن أنا مثلا .. إني أكل كوكيز و أشرب قرين تي مره يسعدني :$

فـ انتي شوفي ايش في شي تاكليه يخليكي سعيده

أو شي تسويه يسعدك ..

حتى لو كنتي تسوي رجيم .. ما يضر انو يوم في الأسبوع تخليه لـ نفسك و نفسيتك و تسعديها =)

أكل كوكيز و أشرب قرين تي و أتفرج على

مسلسل Friends

يعتبر وقت سعيد بالنسبه لي

و ما أسمح لأحد أو لأي شي أنه يخرب عليّ اللحظه الممتعه هذي

عادي بعد ما أدلع نفسي و انبسط أقدر أرجع لـ أي شي ثاني في الحياه

و أكمل شغلي

الوقت المخصص لـ نفسك انتي حره تسوي فيه أي شي يريحك

شوفي ايش نفسك و سويه

او ايش في شي اهملتيه في نفسك و احرصي انك تخصصي لو يوم

نفسيتك أهم شي .. لما تكون عندك المقدره على اسعاد نفسك

راح تجيكي المقدره انك تسعدني اللي حولك و اللي تحبيهم ..



لا تبخلي عليكي بـ شي

و لا تحطي أحد مين ما كان قبل إحتياجاتك

هذي مو أنانيه .. بالعكس انتي لما تهتمي بـ نفسك و بـ نفسيتك

راح تقدري تعطي و تسعدي كل اللي تحبيهم

لكن لما تحطي الناس و هموم الناس قبل راحتك انتي

صدقيني حيجي يوم و تنفجري و تسير مشاكل ما لها حل

:

واحد من أوقاتي السعيده و اللي أحرص إني أدلع نفسي فيها هي

 لما يكون كوب القرين تي دافي

و الكوكيز دوبي خرجتو من المايكرويف و يسيح في فمي

و افتح اللاب توب و افتح على أي حلقه عشوائيه من مسلسلي المفضل

و أنوار الغرفه تكون مطفيه ما عدا نور خفيف يروق الجو

و إن شاء الله حأرجعلكم بـ تكمله لـ سلسلة

Some Me Time

و أفكار ممكن تفيدكم و تساعدكم انك تخصصو وقت لـ نفسكم =)

و إنتي .. إيش الشي اللي تسويه و يحسسك بـ سعاده =) ؟

*شي تسويه لـ نفسك مو شي للناس .. شي انتي الوحيده المستفيده منو*

Be Close

xoxo

:

A THANK YOU GIVEAWAY

السلام عليكم

البوست هذا لكل متابعاتي المخلصات اللي يتابعوني و يدعموني اول بـ اول

ما اعرف و الله ايش اقول او كيف اشكركم

من جد كل يوم .. كل يوم يجيني دعم منكم

و من جميع النواحي

خليتوني اعطي اكثر و جاتني افكار اكثر و السبب فيها بعد الله

انتو



واحد من أسباب اني ما كنت ابغاه يكون فيديو لانو و الله ما حأعرف ايش اقول

يعني نفسي اشكر كل وحده فيكم

و امس انتهت القيف أواي الاولى

و نتايجها راح تكون بكرا ان شاء الله

لان نفسي اعطي كل وحده منكم هديه مقابل دعمها الجميل ليّ

حبيت ان كل فتره يكون في قيف اواي .. و ما ابغا اطول بين الفترات =)

عشان نفسي اضمن ان كل وحده منكم يوصلها شي مني ..

كـ شكر و تقدير للي بتعطوني هوّ

يا رب يكون الكلام وصل لـ قلوبكم و مره شكرا لكل وحده فيكم

و الآن نبدأ بالـ قيف اواي #2

مهما كنت أحب الميك أب

ابدا ما حيوصل لـ حبي في الفاشن

حبيت القيف أواي الثانيه تكون غير عن الميك اب

قطعتين اكسسوار .. جدا حلوه لو كان ستايلك شويا

edgy !!

او حتى لو كنتي تبي تغيري ستايلك و تسوي شوي جديد

القطعتين حتكون لـ بنتين

عشان اعطي أكثر فرصه لـ الفوز

القطعه رقم (1)

تحطيها على الإذن و بالمشبك اللي جاي معاها تشبكيها في شعرك

راح يطلع شكلها زي كذا

حيطلع شكلها مرررره حلو مع بوني تيل او لو رافعه شعرك كلو في بن

او حتى لو رابطه نص شعرك و الباقي مفرود

جربتها و طلعت حلوه بـ كل الطرق

و على الطبيعه مره مره جميييييله

:

القطعه رقم (2)

حتى هذي حلوه .. تحطيها ورا اذنك عادي

و الشي اللي نازل يبان كأنك حاطه حلق

للأسف ما لقيت لها صوره =(

لكن مره مره حلوه و أحلى شي فيها انو ما كانها من الحلقان المدلدله

لاني ما احب البسها P=

لكن ما اقدر اختار ايت احلى :$

صراحه الإثنين حابتهم نفس الشي

القطعتين من أسوس

و لونهم ذهبي "قولد" مره ينفعو للـ صيف =)

الآن نجي لـ شروط دخولك للـ قيف أواي :

* طبعا لازم تكوني من متابعاتي اختاري اليوتيوب او التويتر

لانهم الأساس و ابغا انميهم أكثر =)

* و لازم تكوني مسجله في البلوق عشان لما تكتبي الكومنت ما يطلع اسمك "مجهول"

و اقدر اخذ اسمك و ادخلك في السحب =)

* عشان اسمك يدخل السحب لازم تكتبي كومنت و الكومنت يكون

بإختصار اوصفي ستايلك

عشان في مواضيعي و فيديوهاتي الجايه اقدر ارضي اكبر عدد ممكن من الأذواق =)

*أختاري القطعه رقم 1 أو 2 للأسف ما ينفع تختاري الإثنين =/

* ضروري و رجاءً لا تنسي لا تنسي تكتبي في الكومنت انتي فين تتابعيني "يوتيوب أو تويتر"

و لو كان الاسم مختلف اذكري اسمك الثاني عشان اربط انو انتي نفس الشخص =)

و طبعا ما يحتاج يكون عندك بريد او اي شي

وقت السحب انا راح اتواصل معاكي و اقولك تعطيني "اسم و رقم" اعطيهم فيديكس عشان يوصلوه لـ منطقتك

مو شرط تكوني في السعوديه .. لاني حابه اشكر كل متابعاتي من الخارج كمان =)

طبعا القطع المعروضه حقتي .. اللي للـ قيف أواي مغلفه و ما فتحتها

و راح أرسل مع الهديه للـ فائزتين رساله مني لكل وحده ..

حيكون شي شخصي للفائزتين بس .. هما اللي حيكونو عارفين ايش في الرساله ^^

*بـ طلب منكم على ان القيف اواي مدتها قصيره طولتها أكثر و تم تغير تاريخ انتهاء القيف اواي

القيف أواي حتبدأ اليوم

5/6/2012

5 June

تنتهي

19/6/2012

12 June

يعني أسبوع واحد بس ما ابغاه يطول =)

إن شاء الله يوصل لـ شكري لكل وحده

ما اقدر اعبرلكم قد ايش صدمني دعمكم اللي ما اتوقعتو ..

يسعدلي قلب كل وحده فيكم ..

و من الآن اقول لو ما فزتي بـ القيف أواي هذي

لا تخافي في قيف أواي بعدها .. عشان تعرفو قد ايش حابه دعمكم الله لا يرحمني منو =)

عشان تشوفو الصور بـ شكل اكبر اضغطو عليها =)

و هنا الموضوع اللي يشرحلكم كيف تسوا كومنت و كيف تشتركو

في البلوق و كل التفاصيل

هنــــــــــا

Be Close

xoxo

:





Your Under-arm Care: White As The Light

السلام عليكم جميلاتي

اليوم البوست طلبتو أكثر من بنت

فـ حبيت أسويه

اللي هو العنايه بـ الاندر ارم إريا

*سامحوني بس ما احب كلمه "إبط" أو "باط"*

النصايح هذي لـ نظافه المنطقه و لـ بياضها

و إن شاء الله انها مضمونه بس ضروري تداومي عليها فتره عشان تبان النتايج

(1)

أول نقطه قد ذكرتها من قبل و هي لا تستخدمي ديودرنت معطره

الاندر أرمز إريا منطقه مغلقه

فـ مع العطور و الكحول و الحراره راح تسبب تغيير في لون الجلد

و لو مو الآن مع الوقت راح تغير أكيد

فـ نصيحه ابتعدي عنها و حاولي تستخدمي اللي تكون بدون عطور

و اكتفي انك تعطري ملابسك

(2)

المنطقه حساسه

فـ بعد ما تشيليها بالحلاوه و مع تكرر العمليه كل شهر

او كل اسبوعين

راح تسبب ترهل مع الوقت و هذا شي سيئ

فـ بعد كل مره تشيلي فيها بالحلاوه و بعد ما تنظفي المنطقه و كل شي

امسكي قطعة ثلجه و مريريها علي المنطقه

منها حـ تسكر المسام فـ ما تدخل جراثيم و وسخ

و منها برودة الثلجه راح تشد جلد الاندر ارمز فـ تنشد معاكي و يكون شكلها احلى =)

(3)

بعد ما تشيلي و تمرري الثلجه على المنطقه

في نفس اليوم و قبل ما تنامي ادهني المنطقه بـ فازلين

حتى لو تكرهي الفازلين حاولي لو مسحه خفيفه

راح يعطيها حمايه و يساعد على بياضها و يحمي المسامات من الجراثيم

يكفي تسويها بعد كل مره تشيلي فيها بس

(4)

اعطيكي مطهر طبيعي ؟

و قاتل للجراثيم P=

بما انو من اسباب سواد المنطقه الجراثيم

امسكي ليمونه .. بس تكون من الليمونات الكبيره مو الصغيره

حطي على الليمونه نشا و افركي المنطقه بشويش مره

لا تنسي انها تعتبر منطقه حساسه فـ عامليها بـ لطف :$

هذي الطريقه لا تستخدميها كثير يعني كل اسبوعين يكفي =)

لكن انتبهي

لو كانت بشرتك حساسه اول شي جربي على منطقه صغيره من الإبط

و شوفي لو الليمون حـ يجبلك حساسيه او لا ..

و انتبهي .. تسوي الطريقه هذي و انتي دوبك شايله الشعر

(5)

ترا حتى منطقة الاندر ارمز تحتاج تقشير

لكن يكون جدا جدا خفيف

جيبي ملح او سكر .. مع شوية زيت زيتون و بحركه دائريه خفيفه

قشري المنطقه لا تطولي دقيقه او دقيقتين تكفي

سويها مرتين في الاسبوع =)

(6)

بعد نهاية كل يوم جيبي قطنه و حطي فيها موية ورد

و امسحي و نظفي المنطقة

بنات ضروري تنظفيها بـ قطنه كل يوووووم

حاولي ما تنامي الا و انتي مسحتيها بـ قطنه بـ موية ورد

(7)

حاولي ما تلبسي تي شيرتات سودا ضيقه كثير

انتي عارفه انو الفابرك و القماش الأسود ممكن يأثر على لون المنطقه؟

لانو معروف الاحتكاك يسبب تغيير في اللون فـ كمان لما يكون لون القماش أسود راح يأثر بـ شكل خفيف

ما اقولك لا تلبسي لكن لا تطولي فيها او البسي تي شيرتات سودا واسعه

(8)

ضروري قبل ما تشتري ديودرنت

تفكري كويس .. لا تشتري اي شي او اي نوع

حاولي تقري و تشوفي المكونات

و انا كتبت موضوع هنا عن ديودرنت بيزلين اللي مو معطر

و في بديل عنو اللي هو حق فيتشي اللي مو معطر برضو

و كتبت كيف تختاري الديودرنت الصح

راح احط رابط الموضوع عشان تقرأوه و تستفيدو

هنـــــا

حبيباتي هذي نصايح مهمه و مفيده و أكيد إن شاء الله انها فعاله

بس ضروري انك تداومي عليها عشان تبان النتايج

إن شاء الله استفدتو =)

Be Close

xoxo

: