My April Favorites 2012

مرحباا

البوست المفروض ينزل بـ تاريخ 30/4/2012

اللي هوّ أمس

عشان ما يبان انو فوّت يوم ما نزلت فيه بوست =(

بس البرنامج سببلي مشاكل فـ ما قدرت احلها الا اليوم

عموما

البوست عن البرودكتس المفضله لي في شهر أبريل

إن شاء الله تستمتعوا و تستفيدوا من المنتجات المذكوره =)

Be Close

xoxo

:



MARCH FAVORITES 2012 ♥

الأشياء لـ شهر مارش مو كثير

لأن أغلب البرودكتس نفسها حقت البوست اللي حطيتو هنا ..

My Favorite Products For Now

أنا أغلب ماسكراتي لانكوم .. أحب مسكراتهم و عندي إخلاص لـ لانكوم P=

بس بعد ما استخدمت ديور بلاك اوت "I'm in love"

 الماسكرا سواداها حلو .. تكثف و تطول الرموش

تعطي عينك ايفيكت انها واسعه و مفتحه لول ..

مره تحسي نفسك بيبي دول

قبل ما تحطيها استخدمي الـ ايلاش كيرلير

عيبها انك لو حطيتي طبقات كثير منها راح تتكتل

فـ حاولي ما تحطي طبقات كثير ..

معروفه أماكن تواجدها .. سعرها مره ناسيه x_x

بس انو اكييد فوق الـ 100 P=

نصيحه : حاولي ما تستخدمي ماسكرات ضد المويا .. تتعب الرموش و تخليها تتساقط

أول ايشادو أستخدمو من بودي شوب

من زمان عندي .. بس قررت استخدمو في مارش

اللون مره مره حلو .. لون برونزي على بينك .. مره رايق

و أحلى شي فيه انو لما يكون عندك مناسبه أو جمعه

و ما فيكي تحطي ميك اب و تتكلفي

بس حطي منو على الجفن و اي لاينر و ماسكرا و خلصنا

مره لون سهل و ما يبغالو لا دمج و لا انك تدخلي ألوان غير

من بودي شوب اكيد بس مره مره ناسيه بـكم لانو من زمان عندي ..

رقمو 41

روج من M.A.C

مرررره اللون طعم .. حبيتو

ينفع للنهار و ينفع لليل .. و مره أحب الأرواج اللي تناسب أي مناسبه

سعرو 92

اسمو .. TILL TOMORROW

خلصنا من الميك اب ..

اكيد الكل عارف مرطب اليد فازلين .. انا اول مره استخدمو في مارش

ترطيبو حلو و اهم اهم نقطه اللي ادورها في اي مرطب لـ جسمي

انو البشره تمتصو بسرعه .. ما احب احساس انو الكريم موجود على بشرتي و ما تمتصو البشره بسرعه

و الشي اللي جنبو .. واقي شمس ..

كنت في بوتس و كنت ابغا واقي شمس "فيتشي"

قالي الصيدلي هذا احسن ..

قلت اجربو .. في منو نوعين .. بـ أساس و بدون أساس

اخدت اللي بأساس للجامعه و الطلعات اللي في الصباح ..

بس طبعا مره التغطيه خفيفه و معدومه تقريبا ..

بس لما احطو يعطي شكل ديوي لـ بشرتي .. حلوووو

يرطبها و يخلي فيها glow

الشي اللي مره مره ارتحت عليه انو

Non-perfumed .. Parban-free

ما احب استخدم لـ بشرتي اشياء معطره .. و خاصة تحت الشمس لأنها حتغير لونها و تسمر

و لما شفت انو خالي من الباربن انبسطت ..

لاني جالسه أحاول ادور برودكتس تكون خاليه من المواد الضاره للبشره ..

من صيدلية بوتس بـ 127 ريال ..

أوكي خلصنا من البرودكتس .. نجي للناس المفضلين عندي في مارش p=

كل شهر مع الفافيورتز راح يكون في شخص مفضل للشهر

يكون سوالي شي كويس او فرحني في شي P=

المفروض يكون واحد بس بما اني اول مره اسويه راح اخلي يكون في 5 اشخاص لـ مارش D=

Ream Alderwish

هههههه ريم لانها دايما تتحمس معايا

دايما تسألني متى حأنزل شي جديد

و لما ينزل بوست او فيديو جديد الاقيها تتحمس و تجي تقولي انو عجبها

مره شكرا ريم ♥

Bshair Edrees

بشاير هي الوحيد اللي لاحقتني في كل مكان هههههههههه

في التويتر و في الفيس بوك و مسجله عندي في البلوق و في اليوتيوب

ملاحقتي المخلصه بشاير .. شكرا ♥

Sara Jaber

لانها مره مره شجعتني في اشياء كثير .. و دايما تقولي انها معايا

و هي اللي جابتلي فكرة صفحة الفيس بوك .. شكرا ساره ♥

Dua'a Modhish

لانها دايما تسوي ريتويت للتويت اللي انزلها

يعني لو كان في فيديو جديد او بوست جديد و اسويلو تويت الاقيها سوتلو ريتويت بدون ما اعرف

و اكتشف بعدين .. شكرا دعاء .. ♥

Hanouf Alshamare

كمان لانها تتحمس معايا .. نفس حالة ريم P=

و شجعتني و راحت اشترت مزيل المناكير اللي قلت عنو و قالت تجربتها P=

شكرا هنوف .. ♥

الحمدلله كثير شجعوني و حمسوني أكمل .. خاصة انها بدايتي .. فـ من جد شكرا ♥

Be Close xoxo

:



My Favorite Products for NOW !!

 Heyyy

حأتكلم اليوم عن الأشياء اللي حابتها .. و اللي بأستخدمها كثير في الأيام

الحاليه ..

:

أشتريتو على أساس انو سبراي يثبت و يدي فاليوم للشعر

أستخدمتو و مره اتفاجات من النتيجه .. رجعت استخدمتو مرتين بعدها

عشان اتأكد قبل ما أكتب عنو

من جد حبيتو أعطى شعري كثافه و فاليوم .. و طول معايا ..

بعد ما تخلصي من شعرك و تسويه زي ما تبي ..بخي 4 بخات بعيده و لا تكثري عشان ما ينفش .. و استمتعي بشعر حلووو

موجود أكيد في كل السوبرماركات الكبيره .. انا اشتريتو من الدانوب 16.50 ريال

من بعد الاختراع الجميل .. سرت استمتع و انا احط مناكير .. بدون مبالغه

عملية ازالة المناكير ما تاخد حتى دقيقه .. مجرد تدخلي صباعك و تطلعيه

و المناكير مختفي .. تاااداااا .. من سيفورا ..ناسيه بكم بالزبط بس تقريبا في الـ 70

UP THE AMP

من أحلى الأرواج اللي أشتريتها .. حبيتو لأنو مو لون تقليدي .. و على الشفايف مره حلو .. روج كريمي .. ما اعرف اوصفو هوت بينك على شويا بربل ..

و هنا لونو أوضح .. من M.A.C

:

PEARL

احلى شي انو اقدر استخدمو كـ هايلايتر و بيس للشدو .. بس غالبا استخدمو على راس خدودي .. بعد ماأخلص ميك اب .. احط شويا بإصباعي

على راس خدودي و انا مبتسه و اطبطب عليه .. و بعدها كل شي بيرفكت

يدي شكل ديوي للميك اب و يدي البشره نضاره .. من M.A.C

:

قد جربتو واحد منهم ؟ و ايت برودكت حبيبتوه اكثر ؟

عشان تشوفو الصور بحجم أكبر اضغطو عليها

 BE Close .. xoxo

: