30‏/05‏/2012

What's In My Bag ?!!

الفيديو من يوم ما اتكلمت عنو في Keek
و أنا بلاقي منكم طلبات أكثر عليه و كثير قالو يبغوه يكون في أسرع وقت
و انو يكون على طول بعد آخر فيديو

فـ ردا لـ طلبكم الفيديو نزلتو اليوم الحمدلله D=

إن شاء الله تستمتعو .. و يعجبكم
و لو عندكم أي اقتراحات لـ فيديوز زي كذا لا تترددوا تقولولي عليها =)


ENJOY



Be Close
xoxo


:


29‏/05‏/2012

It's Time For MAY Favorites !!

السلام عليكم ..

الفيديو اليوم عن أكثر المستحضرات اللي استخدمتها
و عجبتني في شهر ماي

مافي مستحضرات ميك أب كثير .. لكن في أشياء جديده حلوه =)

لا تنسو تقرأو الدسكربشن بوكس لانو كلو معلومات أكثر و روابط لـ كل شي

ENJOY <3




BE Close
xoxo


:


27‏/05‏/2012

Spring and Summer Perfume - Fragrances 2012



تبي تغيري عطرك ..
و تبي شي يناسب الموسم =)

هذي بعض الإقتراحات ..




VERSACE - YELLOW DIAMOND

MARC JACOBS - DAISY



GUCCI - FLORA


BURBERRY - BRIT SUMMER


PHILOSOPHY LOVE SWEET LOVE




Be Close
xoxo




:


26‏/05‏/2012

Keek App come and join the fun with me

السلام عليكم =)

البوست اليوم مالو علاقه بالـ ميك أب و لا فاشن
و لا عناية بشره و الكلام هذا P=



جالسه أضحك على نفسي اني منزله بوست عنو
بس معليش عجبني مره هههههههههه

بوست اليوم عن App Keek
لو كنتو من متابعيني في التويتر
حتشوفو انو فجأه على اخر الليل انفلت و اتكلمت عنو ع السريع

أقرب وصف للـ آب انو زي التويتر بس فيديوز

في البدايه حسيت انو حلو و محمس بس ما فكرت راح يفيدني مره
خاصة اني ما حأقدر أبين وجهي السمح في الفيديو P=

لكن بعدين بدأت تجيني أفكار لـ استعمالو و مره محمسه

جالسه أفكر حيكون شي ممتع و طريقه سهله و حلوه انو اتواصل معاكم و أوريكم
مقتطفات من أيامي عليه ..

لو كنت في مول مثلا و شفت شي عجبني .. اقدر اصورو و احطو لكم تشوفوه

الشي الحلو انو الفيديوز ما تطول يعني قصيره تقريبا 28 ثانيه لو مو ناسيه

حيكون في كثير فيديوز قصيره و حلوه
اقدر اوريكم sneak peeks
على فيديوز حأنزلها على اليوتيوب .. او اوريكم Outfit of the day ع السريع

ما ادري صراحه الأفكار اللي جتني ما تنحصر .. جدا ممتعه و راح ابسطكم معايا إن شاء الله P=



أول فيديو نزلتو امس ههههههههههه
الساعه 3:30 a.m تقريبا

و حابه أشكر شكر خاص لـ اول فولورز ليّ في Keek =D

toOomychan <3
&
Noouf <3

ههههههه يسعدهم ربي .. اول اثنين سوولي فولو ..
على طول بعد ما نزلت الفيديو =)


هذا رابط الـ App



لو كان عندكم من أول او لو حملتوه سوولي فولو D=
راح يكون جزء من أعمالي و شي جدا يحمس و راح يكون فيه فيديوز حلوه ^^

إسمي في Keek
JaysCherry@



إن شاء الله تجربوه و يعجبكم =)



Be Close
xoxo




:

25‏/05‏/2012

My Obsession with "mini Black Dresses"

السلام عليكم ..

البوست اليوم حيكون فيديو

اتكلم فيه عن هوسي مع الفساتين السودا القصيره

اخترت من دولابي 6 فساتين .. سبب اختياري ليها

ان الموديلات جدا سهل انك تلاقيها .. فـ لو عجبك واحد من الفساتين تقدري تلاقيلو بديل
في اي محل في المول إن شاء الله

ثاني سبب ان الماركات اللي اخترتها سهل توصليلها .. فـ ممكن ممكن يرجعو الفستان
او تلاقيه بالصدفه عندهم ..


warning:
الفيديو فيه فصلات كثير .. لاني صورت و انا شويا تعبانه ههههههه
فـ استحملو






و أنتو ايش الهوس اللي عندكم في الملابس .. يلا اعترفو ؟!!


لآ تنسوا سورة الكهف =)

Be Close
xoxo



:


24‏/05‏/2012

The right age to us anti-aging products !

السلام عليكم ..

اسفه امس ما نزلت بوست =(

بس مره كنت مشغوله و ما كنت في البيت ..

البوست اليوم حيكون عن الأنتي ايجنق برودكتس

جاني اكثر من سؤال عن " متى العمر الصح لإستخدامها"
جاوبتهم بس حبيت انزلو في بوست عشان الكل يستفيد


أول شي مافي عمر محدد لإستخدام مقاومات علامات تقدم سن البشره

ممكن تستغربو .. طيب احنا لسا صغار و في العشرينات و ما طلعلنا تجاعيد

هذا مفهوم غلط غلط غلط عن أغلب الناس

مين قال انو تستخدمي كريمات الانتي ايجنق لما تطلعلك =S

التجاعيد من اصعب الاشياء اللي ممكن تعالجيها بعد ما تطلع
طبعا انا جالسه اتكلم طبيعيا .. لكن في بوتكس و عمليات شد و كذا

بس لكن لو تبي تستخدمي الكريمات بعد ما تطلعلك .. اذن استني سنييييين

ممكن لو كنتي في ال 16 - 17 تستخدمي الكريمات اللي يكون فيها انتي ايجنق خفيف
عشان تعودي بشرتك شويا شويا عليها و كل ما كبرتي تزيدي

لكن نصيحه ..  تستني الين تطلعلك او الين تكبري ..

من اوائل العشرين ابدأي استخدميها بـ إنتظام .. لانك بـ كذا تعودي بشرتك على الشد و تتقبلها
فـ لما تكبري و تستخدميها بشرتك راح تتجاوب مع الكريم بسهوله .. مع انك في الـ 40 او الـ 50
لكن لانك عودتي بشرتك انها تتقبل هذا النوع من الكريمات

الوقايه افضل من العلاج .. لا تستني تكبري
احمي بشرتك من التجاعيد من الآن ..

مو بس بشرتك وجهك .. في كريمات انتي ايجنق للـ يد كمان .. ضروري تستخدميها
لان اليد تتعرض كثير للشمس و ف كثير بنات ما يحطو واقي شمس لليد

و طبعا كلنا عارفين ان اغلب مشاكل البشره من اشعة الشمس الضاره ..

واحد من اهم اسباب التجاعيد اللي تجي للبنات و هم صغار اللي هو التعرض للشمس بدون حمايه

لا تخرجي برا البيت و في شمس بدون واقي شمس ..


و لا تنسي ان البشرات الأصغر تستجيب للأهتمام اكثر من البشرات اللي في الـ40 مثلا
فـ نتايج اهتمامك فيها الآن راح يبان مع تقدم السن =)
ما راح تندمي ..

إن شاء الله البوست افادكم =)


Be Close
xoxo





:

22‏/05‏/2012

Naked 1 swatch ..




نيكد 1 يجي معاه برايمر اربن ديكاي
و فرشه للآي شادو


12 لون


Virgin

Sin

Naked

Sidecare

Buck

Half Baked

Smog

Darkhorse

Toasted

Hustle

Creep

Gunmetal


هذي هيّ السواتش لـ نيكد1 اللي للقيف اواي
لو ما كنتي عارفه انو في قيف اواي شوفي اخر فيديو نزلتو
او شوفي البوست حق أمس =)

لو تبي تشوفي الصور بـ حجم أكبر اضغطي عليها بليز =)


Be Close
xoxo


:


21‏/05‏/2012

Naked 2 + Giveaway




نيكد 2 يجي معاه قلوس
و فرشه بـ راسين ..
راس تحطي فيها التوزيع العادي للشادو
و الراس الثاني للدمج ..


Foxy

Half Baked

BootyCall

Chopper

Tease

Snake Bite

Suspect

Pistol

Verve

YDK

Busted

Black Out


هذي الألوان الموجوده في الباليت حق نيكد2

القيف أواي لـ نيكد1 و نيكد2



القيف أواي حيكون مفتوح لـ اسبوعين .. من
21MAY - 4 JUNE
اسم الفائزه حيعلن في
6 JUNE

شروط الاشتراك في الاقيف أواي :

1* لازم تكوني مشتركه في قناتي على اليوتيوب

2* اختاري (تويتر-فيس بوك- بلوق) و اشتركي فيه ^^

تقدري تدخلي القيف اواي لـ نيكد 1 و 2 لكن لازم يكونو في كومنتين مختلفه
الكومنتس تكون على اليوتيوب مو في البلوق

لو كتبتي في كومنت واحد انك تبغي الاثنين ما راح يحتسب تعليقك

بعد ما اختار الفايزه راح اتواصل معاها على الانبوكس في اليوتيوب

حأحتاج منها اسم و رقم أعطيهم لـ فيديكس عشان يتواصلو معاهم
و لازم تذكرلي مدينتها

القيف اواي مفتوحه لـ جميع المناطق سواء في السعوديه او خارجها
السواتش لـ نيكد1 حيكون موجود بكرا في البلوق بإذن الله =)

الفيديو:








Be Close
xoxo


:



20‏/05‏/2012

Smart Shopper



حأعطيكم كم نصيحه للشوبنق ..


*لما تكوني في محل .. و شفتي شي عجبك .. سواء كان بلوزه او تنوره أو اي قطعه
لا تاخذيها ألين تحطي في مخك على الأقل ستايلين للقطعه .. و تبدأي تدوري للستايلين اللي اتخيلتيهم
أو انو على الأقل فكري في قطعتين من ملابسك اللي في دولابك تليق لها ..

خطأ انك تاخذي قطعه بس لانها عجبتك .. لانك حتشتريها و بعدها حتتورطي لان مالها ستايل في بالك او ما تمشي مع اي شي في دولابك ..
فـ انتي لما تحطي ستايل في بالك حتى لو باقي الستايل مو عندك في الدولاب على الأقل حـ تدوري على القطع اللي تبيها ..
واحد من أسباب انو الملابس تتكوم عندنا في الدولاب و ما تتلبس اننا ناخذ القطعه على اساس انها حلوه و عجبتنا بدون ما نحسب
حساب الستايل الكامل لها ..





*حاولي ما تدفعي كثير على قطع تكون ترندز لـ موسم معين ..

يعني زي التنانير الـ"هاي لوو" اللي من قدام قصيره و من ورا طويله .. ما اتوقع راح تكمل لـ فتره طويله ..
ممكن بعد كم سنه ترجع مره ثانيه مع الترندز لكن حـ يجي وقت حتطفشي من شكلها .. تقدري بعد ما تروح موضتها
توديها الخياط و تخليه يقصها كلها طول واحد و تسير تنوره عاديه ..
النقطه هي انو انتبهي تدفعي فلوس كثير على ملابس تكون لـ فترة موسم معين و بعدها حـ تنرمي في الدولاب لانو لو رجعتي
لبستيها حـ تكوني قديمه P=





*دايما دايما اسألي اللي يشتغلو في المحل لو في تخفيضات جايه أو لا ..
كثير محلات يسوي تخفيضات فجأه و ممكن ما تعرفي عنها .. لو شفتي قطعه عاجبتك و كانت غاليه و كان في تخفيض قريب
استني للتخفيضات و حطي رقمك عند المحل عشان يرسلولك مسج لما تبدأ التخفيضات عشان تروحي على طول قبل ما تخلص
و لما تدخلي محل اسألي لو مسوين تخفيضات على قطع معينه .. عادة في المحلات يكون في ستاند عليه تخفيض لانو خلاص حيخلص و يبو يسوا عزل .. فـ ممكن تلاقي شي يعجبك =)


إن شاء الله يكون البوست فادكم .. =)
و إن شاء الله ارجع اسوي بوست ثاني على نصايح أكثر ^^



Be Close
xoxo




:

18‏/05‏/2012

Oh My Dear Vaseline



أبدا لا تستهينو فيه p=

ما تعرفو قد ايش مفيد الفازلين ..
اليوم حأذكر كذا نقطه عن فوائدو .. يا يكون جربتها أو متأكده منها إن شاء الله

كان عندنا دادا إسمها أنيسه .. الله يذكرها بالخير .. جلست عندنا فتره طويله 4 سنوات او اكثر تقريبا
علاقتها مع الفازلين عجيبه هههههههههه
كنا نتكلم .. قلتلها ليش دايما تحطيه على ركبك .. قالت مع الشغل ركبي سودت و الفازلين فتحها ..
اختي جربت و فعلا .. سار فيه فرق .. مع المداومه عليه راح يتغير .. الدادا بتقول انو مره ساعدها لكن لازم تداومي عليه



الشي الثاني .. و هذا أنا مجربتو شخصيا .. تعرفو انو الفازلين يطول الرموش و يغذيها ؟
أنا ما صدقت كمان .. قرأت المعلومه بس ما اعطيتها بال .. ما دخلت مزاجي ههههههه
بس أنا في روتيني لما اشيل الميك اب .. أحيانا امسح ميك اب عيوني بـ فازلين مره انصحكم بـ الحركه هذي
يخفف الميك اب و يخلي سهل انو يتشال .. لاحظت انو من جد طول رموشي .. الحمدلله انا رموشي كثيره و طويله فـ ما حسيت بـ الفرق الا بعد فتره .. بعدها سويت بحث طلع صحيح الكلام .. انو في ناس استخدموه لمدة اسبوعين و بانت الرموش تطول
طبعا انا اللي فهمتو انو يطول لكن ما اتوقع لو دخل في التكثيف ..
ممكن تمسحي على اطراف رموشك كل يوم قبل ما تنامي .. للإحتياط انتبهي تدخليه جوا عينك ..
يساعد على ترطيب رموشك و ما تكون متقصفه بالتالي تطول بـ شكل اسرع



الفازلين و الشفايف .. مو طبيعي .. طبعا انا روتين اهتمامي بـ شفايفي كتبتو في البلوق قبل .. تلاقيه هنا
و هذا الروتين اللي استخدمو لشفايفي وقت ما ابغا اقشرها .. طبعا بالإضافه للمرطب الرائع اللي بأستخدمو و صورتو موجوده في البوست حق kissable lips
الفازلين لازم امسح منو مسحه خفيفه مره على شفايفي .. يخلي الشفايف ورديه اكثر و ناعمه دايما ..



ترطيب اليدين و الرجول مع الفازلين .. بالنسبه لي ما احب احط فازلين على يدي لانو ثقيل لكن اخذ مسحه خفيفه و ادهنها على اظافري و الجلد اللي حولين اظافري .. يعزز نمو الظفر و يرطب المنطقه اللي حولينو
كل فتره و فتره احط فازلين لـ رجولي .. و البس شراب و أنام فيه لما اصحى رجولي تكون انعم شي في الحياه .. طبعا لو انتي تعاني من جفاف في الرجول سويه كل يوم الين توصلي للنتيجه اللي تبغيها ..


فـ لو كان عندك فازلين و راميتو على جنب ارجعي احترميه p=
و لو ما عندك فازلين يلا على طول روحي اشتري ..

لو كان عندك فوائد زياده للـ فازلين يا ليت تكتبيها في الكومنتز عشان نستفيد =)

Be close
xoxo



:


17‏/05‏/2012

YOLT ..

AMAZING <3




الله يغفر لنا .. الله يرحمنا بـ رحمتو
الله يجعلنا من اللذين يدخلون الجنه بدون حساب
نحن و أهلينا و أحبابنا و جميع المسلمين يا رب ..

أستغفرك ربي و أتوب إليك ..

فيديو مؤثر و عمل رائع .. شوفوه =)




Be Close
xoxo

16‏/05‏/2012

Video: Pancake For Breakfast

Breakfast With Jojany



اليوم حأوريكم طريقه سهله للـ بانكيك
و ما تاخذ وقت حتى =)

الأشياء اللي تحتاجيها
خليط جاهز للبانكيك تلاقيه في أي سوبر ماركت
شيرة البانكيك بـ طعم الزبده برضو من السوبر ماركت

المقادير :

4 ملاعق كبيره من خليط البانكيك
3 ملاعق أكل زيت
2 ملعقتين حليب بودره
كاسة مويا كبيره
1 بيضه

* المقادير تسوي 6 بانكيك ..
تخلطيهم مع بعض كويس ألين يندمجو =P

و الأفضل تستخدمي صاجة تيفال عشان ما يلصق

الطريقه حتشوفوها في الفيديو .. و إن شاء الله تستمتعوا ..  و بالعافيه ^^


ENJOY




Be Close
xoxo


:


15‏/05‏/2012

A Post To Relax: Some "ME Time"

واحد من أهم الأشياء اللي لازم تهتمي فيها هي نفسيتك ..
خصصي لك يوم في الأسبوع يكون يوم راحه لك

سواء يكون في ويكند أو وسط أسبوع .. اختاري يوم و خليه بس لـ نفسيتك

ما أتكلم على الاهتمام بـ بشرتك و شعرك و كذا .. لا انا اقصد دلعي نفسك في هذا اليوم ..

سوي فيه اي شي تحبيه

كل فتره و فتره حأكتب عن شي للـ ME TIME

أفكار ممكن تعجبك و تدخل الفرحه في قلبك .. يسير تسويها في يومك اللي محددتو لـ نفسك =)

كـ بدايه ..

أول شي  مافي أحلى من الباث ..

عبي البانيو مويا حاره .. و حطي فيها bubble bath
أختاري أي شي يناسبك .. كثير أماكن تبيعها .. اختاري شي عجبك و ريحتو حلوه و تخليكي تسترخي
و كمان مره وحده .. حطي أملاح البانيو .. هذي تفيد بشرتك و تجدد الخلايا السطحيه اللي على البشره
يعني انتي جالسه تسترخي و في نفس الوقت تفيدي بشرتك ..
اجلسي في البانيو .. ربع الى نص ساعه .. حاولي تسترخي و ما تفكري في و لا شي
مهما كان عندك مشاكل أو شغل أو قرارات عادي نص ساعه بريك ما حتنفجر الدنيا .. كل شي لاحقه ترجعيلو بعد ما ترتاح أعصابك

لما تكون نفسيتك أحسن .. تلقائيا حـ تقدري تواجهي أي شي بعدها .. فـ مهما كنتي مشغوله انتبهي تنشغلي عن نفسك ..
نفسيتك أهم من أي شغل في الحياه .. ما حتقدري تنجزي لو كنتي متوتره أو مضغوطه ..

انا عارفه انو أحيانا صعب مره صعب يكون في بالك موضوع و ما تفكري فيه .. لكن دربي نفسك على انو ليكي يوم في الاسبوع
تدخلي فيه البانيو و تنسي كل شي و تدلعي نفسك ..


حاليا أصحابي اللي استخدمهم في البانيو :


كلهم من باث اند بودي
أول واحد على اليسار .. اسمو "night time tea "
how cute lol
اسمو يخليكي تسترخي ههههه
اللي في الوسط أملاح .. تحطيها في المويا و تذوب مع المويا
اخر واحد على اليسار .. ياسمين مع فانيلا .. مع اني ما احب ريحة الفانيلا تجيبلي صداع =S
بس ابدا ريحة الفانيلا مو باينه .. بالعكس ريحتو تعطي نشاط و حيويه ..
أحلى شي في الـ baths
انك تقدري تسويها في الصباح و تكملي يومك و انتي منتعشه
او تسويها وقت الليل و يسترخي جسمك و تقدري تنامي مرتاحه ..

بعد الهوت باث .. افتحي المويا البارده و خليها تمشي على جسمك .. تشد بشرتك و تعطيكي انتعاش ..

لو كان جوالك يضايقك وقتها .. تقدري تخليه سايلنت و تنسي كل شي .. عادي نص ساعه ما راح تخرب شي
بالعكس حترجعي للأشغال بـ نفسيه جاهزه ..

=)


This is the first post 3n al ME TIME
TO BE CONTINUOUS

Be close
xoxo




:

13‏/05‏/2012

My Everyday MAke-Up



مرحبا =)

الفيديو اليوم عن طريقتي البسيطه في الميك اب اليومي

ذكرت المستحضرات اللي أستخدمها و الطريقه بالترتيب

إن شاء الله يعجبكم


ENJOY



Be Close
xoxo



:

12‏/05‏/2012

Would You !!


You went so far Mr.Louboutin =P




hmm well I'm not sure about it
but I would wear it for fun I think !! =/

Anyways That would not change how much I love LOUBOUTIN ;;)


So The Q: Would You wear it ?! =D


Be Close
xoxo




:

11‏/05‏/2012

Caviar Nails Trend


موضة الكافيار نايلز سارت في كل مكان

هي أصلا شركه انتجت هذا الشي

و بعدها سارو الناس يسووها بـ الموجود عندهم و بالخرز و أي شي يشبهو

إن شاء الله قريب حأشتريه من الشركه الأصليه و اجربو .. شي غريب و مره ابغا
اشوف كيف احساس اضافري لما اسويه لول







زي ما انتو شايفين الناس سارو يبدعو و يستخدمو الموجود عندهم من الخرز
بس شخصيا لو حأجربو .. راح اشتريه من نفس الشركه ..
ما فيا حيل اجيب خرز و زحمه ههههههههه




Be Close
xoxo



:


10‏/05‏/2012

D.I.Y Spray For Beachy Waves

بما أنو الصيف جاي
راح أسوي سلسلة فيديوات تتكلم عن كل شي يخص الصيف

حتكون فيديوات جدا محمسه ..


و فيديو اليوم أول فيديو في السلسله

أعلمك بـ طريقه جدا بسيطه كيف تخلي شعرك يتجعد بدون استخدام أي حراره

و تطلع الكيرلز جدا جميله و طبيعيه

إن شاء الله الفيديو يعجبكم و لا تنسو تقولولي اقتراحاتكم عن فيديوات الصيف =)


ENJOY




Be Close
xoxo


: