Tea Time With Jojo ..

الفيديو اليوم تعريف عن فكره جديده إن شاء الله

حتكون كل اسبوع يوم الجمعه ..

نتكلم عن كل شي نبغاه بعيد عن الميك اب و الفاشن

أشياء أعمق من كذا =)

شوفو الفيديو و اكتبولي ايش رايكم ^^

ENJOY <3

Be Close

xoxo

Keek App come and join the fun with me

السلام عليكم =)

البوست اليوم مالو علاقه بالـ ميك أب و لا فاشن

و لا عناية بشره و الكلام هذا P=

جالسه أضحك على نفسي اني منزله بوست عنو

بس معليش عجبني مره هههههههههه

بوست اليوم عن App Keek

لو كنتو من متابعيني في التويتر

حتشوفو انو فجأه على اخر الليل انفلت و اتكلمت عنو ع السريع

أقرب وصف للـ آب انو زي التويتر بس فيديوز

في البدايه حسيت انو حلو و محمس بس ما فكرت راح يفيدني مره

خاصة اني ما حأقدر أبين وجهي السمح في الفيديو P=

لكن بعدين بدأت تجيني أفكار لـ استعمالو و مره محمسه

جالسه أفكر حيكون شي ممتع و طريقه سهله و حلوه انو اتواصل معاكم و أوريكم

مقتطفات من أيامي عليه ..

لو كنت في مول مثلا و شفت شي عجبني .. اقدر اصورو و احطو لكم تشوفوه

الشي الحلو انو الفيديوز ما تطول يعني قصيره تقريبا 28 ثانيه لو مو ناسيه

حيكون في كثير فيديوز قصيره و حلوه

اقدر اوريكم sneak peeks

على فيديوز حأنزلها على اليوتيوب .. او اوريكم Outfit of the day ع السريع

ما ادري صراحه الأفكار اللي جتني ما تنحصر .. جدا ممتعه و راح ابسطكم معايا إن شاء الله P=

أول فيديو نزلتو امس ههههههههههه

الساعه 3:30 a.m تقريبا

و حابه أشكر شكر خاص لـ اول فولورز ليّ في Keek =D

toOomychan <3

&

Noouf <3

ههههههه يسعدهم ربي .. اول اثنين سوولي فولو ..

على طول بعد ما نزلت الفيديو =)

هذا رابط الـ App

Keek App

لو كان عندكم من أول او لو حملتوه سوولي فولو D=

راح يكون جزء من أعمالي و شي جدا يحمس و راح يكون فيه فيديوز حلوه ^^

إسمي في Keek

JaysCherry@

إن شاء الله تجربوه و يعجبكم =)

Be Close

xoxo

:

Smart Shopper

حأعطيكم كم نصيحه للشوبنق ..

*لما تكوني في محل .. و شفتي شي عجبك .. سواء كان بلوزه او تنوره أو اي قطعه

لا تاخذيها ألين تحطي في مخك على الأقل ستايلين للقطعه .. و تبدأي تدوري للستايلين اللي اتخيلتيهم

أو انو على الأقل فكري في قطعتين من ملابسك اللي في دولابك تليق لها ..

خطأ انك تاخذي قطعه بس لانها عجبتك .. لانك حتشتريها و بعدها حتتورطي لان مالها ستايل في بالك او ما تمشي مع اي شي في دولابك ..

فـ انتي لما تحطي ستايل في بالك حتى لو باقي الستايل مو عندك في الدولاب على الأقل حـ تدوري على القطع اللي تبيها ..

واحد من أسباب انو الملابس تتكوم عندنا في الدولاب و ما تتلبس اننا ناخذ القطعه على اساس انها حلوه و عجبتنا بدون ما نحسب

حساب الستايل الكامل لها ..

*حاولي ما تدفعي كثير على قطع تكون ترندز لـ موسم معين ..

يعني زي التنانير الـ"هاي لوو" اللي من قدام قصيره و من ورا طويله .. ما اتوقع راح تكمل لـ فتره طويله ..

ممكن بعد كم سنه ترجع مره ثانيه مع الترندز لكن حـ يجي وقت حتطفشي من شكلها .. تقدري بعد ما تروح موضتها

توديها الخياط و تخليه يقصها كلها طول واحد و تسير تنوره عاديه ..

النقطه هي انو انتبهي تدفعي فلوس كثير على ملابس تكون لـ فترة موسم معين و بعدها حـ تنرمي في الدولاب لانو لو رجعتي

لبستيها حـ تكوني قديمه P=

*دايما دايما اسألي اللي يشتغلو في المحل لو في تخفيضات جايه أو لا ..

كثير محلات يسوي تخفيضات فجأه و ممكن ما تعرفي عنها .. لو شفتي قطعه عاجبتك و كانت غاليه و كان في تخفيض قريب

استني للتخفيضات و حطي رقمك عند المحل عشان يرسلولك مسج لما تبدأ التخفيضات عشان تروحي على طول قبل ما تخلص

و لما تدخلي محل اسألي لو مسوين تخفيضات على قطع معينه .. عادة في المحلات يكون في ستاند عليه تخفيض لانو خلاص حيخلص و يبو يسوا عزل .. فـ ممكن تلاقي شي يعجبك =)

إن شاء الله يكون البوست فادكم .. =)

و إن شاء الله ارجع اسوي بوست ثاني على نصايح أكثر ^^

Be Close

xoxo

:

YOLT ..

AMAZING <3

الله يغفر لنا .. الله يرحمنا بـ رحمتو

الله يجعلنا من اللذين يدخلون الجنه بدون حساب

نحن و أهلينا و أحبابنا و جميع المسلمين يا رب ..

أستغفرك ربي و أتوب إليك ..

فيديو مؤثر و عمل رائع .. شوفوه =)

Be Close

xoxo

Qurtsyah !!

مرحباااا

و أنا  احوس في النت لقيت شي مره حلو

قرطاسيه او مكتبه اون لاين

شي جدا جميل .. و منتجاتهم مره مميزه و حلوه و شي غريب

مو زي الأشياء التقليديه اللي في المكتبات

كاتبين في موقعهم:

"قرطاسية هو متجر الكتروني يسعى لتغيير مفهوم القرطاسية الحالي لدى المستهلك العربي وإعطائه صورة أكثر عصرية ،

منتجات قرطاسية توفر وقتك وتساعدك لبدأ مشروعك وترتيب مهامك اليومية وتلهمك لتكون شخصًا مميزا وأكثر إنجازَا

بتصاميمها المبتكرة وألوانها المميزة ." 

راح أخليكم مع الصور و تفهمو أكثر =)

طبعا غير إني فخوره فيهم لول .. انو عمل و انتاج سعودي

المنتجات فعلا تستاهل .. شي جديد و حلو

أكيـــــــد ليّ طلبيه قريبه منهم ..

و على فكره الطلب اون لاين لكن جدا سهل و مو معقد

ما قدرت أحط كل الصور عشان لا اخرب عليكم متعة التفرج على الموقع

انصحكم تشوفوه

Qurtsyah

Be Close

xoxo

:

Know Your Colors: House of colour Saudi Arabia

السلام عليكم ..

حأتكلم اليوم عن شركه أساسها في UK

و المسؤوله عنها في المنطقه الغربيه (جده-مكه-المدينه-الطائف) هي رهام جميل أبو الفرج
و على فكره متواجد فرع في الرياض

عموما و بإختصار انك تروحيلها و تطلعلك الألوان المناسبه لك

و انو اي فصل من فصول السنه انتي ..

غير انو ممتع انك تعرفي ايش يليقلك و ايش لا

حتكون تجربه حلوه ..

الكلام اللي تحت حيبين أتكلم عن ايش ..

 عزيزتي, اذا كنتي ممن يبحثون عن سر المظهر الرائع طوال الوقت , الاكثر شبابا , رشاقة و صحة

وتريدين توفير المال و الوقت (لا مزيد من الخيارات الخاطئة ولا مزيد من الملابس المكدسة في الخزانة)

كل ما تحتاجينه لاكتشاف السر:

معرفةالالوان التي تناسب وتظهر لون بشرتك , عينيك, وشعرك-

اختيار الملابس المناسبة لمقاييسك و شخصيتك -

اكتشاف المكياج المناسب لبشرتك ولملامح وجهك -

ابدئي معنا رحلتك لعالم الالوان والجمال والاناقة

وستشاهدين في مرآتك مظهراً جديدًا لم تعهديه من قبل

وان كنتي من محبين عالم الجمال و الموضة تفضلي بمشاركتنا

للتواصل معنا 0500540627

FaceBook Page:

House Of Colours

MY CERTIFICATE . UK 2011/Discover how can help you look your best and achieve your goals

جربي منتجات هاوس اوف كلر الطبيعية الان !!! الخالية من مادة الباربين الكيميائية البالغة الضرر بالبشرة و المسرعة للشيخوخة !! جربيها و ستلاحظين الفرق

here examples

مايا دياب باللوك الغير مناسب الذي يضيف سنوات لعمرها .اما بالنسبة للون الشعر فهو لا يتلائم مع لون بشرتها و يضيف بعض الشحوب على وجهها و ملامحها

مايا دياب تبدو نضرة و جذابة و اكثر شبابا و حيوية بالالوان الصحيحة

الفنانة سرين عبد النور
بالالوان الخاطئة الغير مناسبة للون بشرتها , فلون الفستان و كذلك الميكب غير مناسب للون بشرتها و كذلك ستايل الفستان و الاكسسوار لا يناسبها و لا يليق بجمالها الراقي و الهادئ



اما هنا فتظهر بالالوان الملائمة لها تماما و كذلك اللوك الذي يظهر جمالها الهادئ و الراقي

حيكون عندهم تخفيض لـ نهاية أبريل

و حيكونو متواجدين في بازار عفت الأسبوع الجاي .. الإثنين و الثلاثاء

Be Close

xoxo

:



WHAT'S "THE WRONG" WITH MY NAME ?!!

:



صدمني قبل فتره موقف
واحد ما رضي يقول اسم امو او اخواته
ما راح ادخل في تفاصيل الموقف .. لكن خلاني افكر انو معقول لسا الناس تفكيرهم محدود !!

او يجيكي ولد صغير حتى ما وصل سن البلوغ و يا ويل يسمع اسم اخواتو على لسان احد
لانهم ربوه على عادات عائليه مو دينيه

هذا الشي يندرج تحت "عادات عقيمهّ" ابغا افهم نقطه
كيف ممكن احد يكون مستحي او خجلان انو يذكر اسم امو او اخواته
اللي ينحرج من اسم امو .. ما شفنا الرسول عليه الصلاة و السلام محرج من انو ذكر اسماء نسائه
ليش انتو احسن من الرسول عليه الصلاة و السلام ؟

عارفين كل اسامي امهات المؤمنين الطاهرات .. هل الشي هذا قلل من قدرهم او عفتهم !!
بعض الشباب الله يهديهم ماسكين الموضوع انو خدش في الشرف
لو كان حرام ما كان الرسول ذكر اسماء زوجاتو

مبدأي في حياتي انو امشي مع تقاليد الاسلام و ليس تقاليد المجتمع
" مع العلم انو لسا قدامي كثير اني اوصل للإلمام التام لـ ديني الرائع"
مجتمع غريب "و لا اعمم" كيف يضربو الف حساب للعادات و ما يشوفوها من منظور الاسلام

التخلف الموجود ابدا مو من الاسلام .. ديننا كامل و واضح ..
العادات و التقاليد هي الحواجز

ما انكر طبعا انو في عادات و تقاليد صحيحه 100%
و هي اللي تتماشى مع الاسلام و الدين فرضها علينا

لكن 2012 و انت لسا ما تبغا تقول اسم امك ؟
اجعلها مصدر فخر لك و مو مصدر خزي

لو تبغو تعيشو الحياة الصحيحه صدقوني امشو مع تقاليد الاسلام ..

غلطه بشعه جدا لما نخلي مسار حياتنا و مبادئنا هو عادات قبائلنا و اجدادانا اللي مالها اي صله بالاسلام
اي تقاليد و عادات مو موجوده في الاسلام لا في القرآن و لا في السنه مو مجبوره اتبعها
انا انخلقت عشان امشي مع تقاليد اسلامي


إسمي الجوهره القحطاني و بابا و اخواني فخورين =)




رأيي و مبادئي ليش بالشرط أن تناسب الجميع لا افرض رأيي على أحد و إنما ألقيه
فـ ان طاب لك شكرا .. و ان لم يطب فـ اختلاف الآراء لا يفسد للود قضيه =)

Be Close

xoxo

:

How To: comment,share,subscribe and contact me

مرحبا حبيباتي

كثير بتجيني اسئله

كيف أعمل كومنت

كيف اشترك في البلوق

كيف اعمل فولو

فـ في البوست اليوم حأجاوب على كل الأسئله

و كلها خطوات سهله و بسيطه

أول شي كيف أعمل كومنت ؟

عشان تعملي كومنت عالبوست

روحي اخر البوست او اخر الموضوع و حتلاقي كلمة

Comment

بعد ما تضغطي عليها حتوديكي للصفحه اللي تعملي فيها كومنت

بعد ما تكتبي الكومنت ما حـ يرضى ينشرو الين تختاري "تعليق بإسم"

لو كنتي مشتركه في البلوق حيطلع اسمك او لو كان عندك حساب في اي واحد من الموجود اختاريه

و يطلع اسمك

بس لو ما كان عندك اي شي اختاري "مجهول"

و حينشر الكومنت حقك =)

كيف اشترك في البلوق؟

على يمين الصفحه حتلاقي

اضغطي "انضمام لهذا الموقع"

حتجيكي صفحه فيها هذا الشي

اختاري اي واحد من المواقع الموجوده عشان تسجلي فيه

و بعدها الخطوات واضحه =)

كيف أعمل فولو بالإيميل عشان يجيني كل شي جديد تنزيليه ؟

برضو يمين الصفحه فوق حتلاقي

FOLLOW BY EMAIL

اكتبي ايميلك و بعدها Submit

فوقها في CONTACT ME

اضغطي

send me a message here

و اكتبيلي اي شي او طلبك و ارسليلي هو و حيجيني =)

كيف أعمل نشر او share

لموضوع عجبني ؟

تحت نهاية كل بوست او موضوع حتلاقي

موجوده كلها هنا .. فيس بوك و تويتر و بلوق و كلو اضغطي عليها بس

عشان تشوفو الصور بـ حجم أكبر اضغطي عليها !

و بس هنا جاوبت على كل أسئلتكم ..

يلا كلكم اشتركو في البلوق p=

Be close xoxo

: