My tools to my Curls

السلام عليكم

البوست اليوم حيكون عن الأغراض و المنتجات اللي أستخدمها لما اسوي شعري ويفي

طبعا أنا اقصد كيف لما اسوي شعري بـ شكل طبيعي

أو بشكل عادي .. اللي هي الويفز الطبيعيه

لما يكون عندي جمعة بنات أو مناسبه بسيطه

أحلى شكل لما تكون طبيعيه ..

كثير كثير كثير يسألوني عن كيف أسوي شعري ويفي

طبيعة شعري الأساسيه ويفي .. فـ أنا بحاول أقرب الصوره الطبيعيه بس بشكل مرتب

ممكن إن شاء الله في فيديوهات قادمه أوريكم التكنيك بالزبط و كيف أسويه

لكن الآن راح أعرض الأدوات و المستحضرات اللي أستخدمها ..

طبعا أنا أسويها بـ طريقتين .. يا إني ابدأ بشعري و هو طبيعي

يعني بدون ما اخليه ستريت قبل .. و هذا راح يعطيكي لوك طبيعي أكثر لـ شعرك

أو إني افردو اول بالستريتنير بعدين استخدم الفير

أنا استخدم الفير حق جوسي إيبير

لو كنتي تدوري على فير حلو أو لو كنتي محتاره على جوسي إيبير

لا تترددي تشتريه

سار موضوع اني اسوي شعري شي سهل و ما ياخذ وقت

و اللي مره يجنن ان الكيرلز تثبت معاكي يومين بدون اي سبراي في الحياه ..

في منو 3 مقاسات .. أنا عندي الوسط اللي هو 19

و إن شاء الله قريب راح أشتري المقاس 25

بس الحلو في 19 انو تقدري تسوي منو كيرلي و تقدري تسوي ويفي ..

يعني لو كنتي ما تبي تشتري الا واحد .. انصحك بمقاس 19 لانك حتستفيدي منو أكثر

يجي معاه قلفز .. من اول ما تشبكيه يحتر و على طول تستخدميه ..

تلفي الشعره عليه 10 ثواني يكفي انها تلفلك الشعره و تثبت ليومين او اكثر

انا عندي من سنه تقريبا .. و ما شاء الله ما خرب و الحراره زي ما هي =)

أشتريتو من الموزع الرسمي لـ جوسي إيبير في السعوديه

لو حابين سوو سيرتش و يطلعلكم موقعهم ..

همم ناسيه بكم اشتريتو بس تقريبا 200 و شي ..

الخطوه اللي بعد .. حسب أحيانا اسويها قبل و أحيانا بعد

اللي هي اني اعطي حجم للشعر ..

ما أسويها كثير ..



أتكلمت قبل عن الشي الجميل هذا

من سبراي مكثف من ويلا .. راااااائع

في منو بخاخ و في منو موس .. لكن البخاخ افضل من الموس بـ نظري

و من بعد ما اتكلمت عنو كثير بنات جربوه و قالولي عن جد نفع معاهم ..

يعطي شعرك كثافه حلوه .. يعني لو كان شعرك قليل صدقيني حتحبيه ..

الحمدلله شعري كثير .. فـ بس أبخ كم بخه بسييييطه على أطراف الشعر و يعطي شكل مكثف حلو

لكن بطلت أسوي كذا .. سرت استخدمو للـ teasing

اللي هو اني اسوي حجم عند تاج الراس ..

يعني راسك من فوق أحيانا يكون مسطح و يطلع شكلك غريب

أنا بس أبخ من البخاخ على تاج الراس و يعطي حجم حلوووو

و لو كنت مطوله برا البيت و أحتاج ان الحجم يكون ثابت

استخدم الفرشه اللي في الصوره .. أسوي تيزنق بسيط لـ شعري و ابخ البخاخ

و حيكون كل شي كويس =)

الخطوه الأخيره برضو جدا نادرا اسويها اللي هي أبخ سبراي

بما انو ما شاء الله الفير ما يحتاج معاه سبراي و من جد يثبت بالأيام بدون ما تبخي أي بخة مثبت

بس أحيانا لما اسوي ويفز مره كبيره .. شعري ناعم فـ ممكن يفك

فـ ابخ من السبراي هذا بخات بسيطه

أحلى بخاخ سبراي جربتو .. مره خفيف فـ ما تحسي ان شعرك سار يابس

او يزيت .. حلو انو يخلي شعرك طبيعي بدون ما يعطي لوك ميبس للشعر

تعرفو اللوك حق لما تحطي سبراي مو كويس على شعرك يقوم يخليه مره واقف و قاسي

في منو درجات .. بخاخ مثبت قوي و عادي

من لوريال طبعا =)

تقريبا هذي هي الأدوات و المستحضرات اللي أستخدمها ..

إن شاء الله يكون البوست فادكم اليوم ^^

على فكره أنا متوقفه حاليا عن الفيديوز لان ما عندي برنامج إيديت

و إن شاء الله راح أشتري واحد قريب و أرجع انزلكم فيديوز =)

Be Close

xoxo

:

It's Time For MAY Favorites !!

السلام عليكم ..

الفيديو اليوم عن أكثر المستحضرات اللي استخدمتها

و عجبتني في شهر ماي

مافي مستحضرات ميك أب كثير .. لكن في أشياء جديده حلوه =)

لا تنسو تقرأو الدسكربشن بوكس لانو كلو معلومات أكثر و روابط لـ كل شي

ENJOY <3

BE Close

xoxo

:



D.I.Y Spray For Beachy Waves

بما أنو الصيف جاي

راح أسوي سلسلة فيديوات تتكلم عن كل شي يخص الصيف

حتكون فيديوات جدا محمسه ..

و فيديو اليوم أول فيديو في السلسله

أعلمك بـ طريقه جدا بسيطه كيف تخلي شعرك يتجعد بدون استخدام أي حراره

و تطلع الكيرلز جدا جميله و طبيعيه

إن شاء الله الفيديو يعجبكم و لا تنسو تقولولي اقتراحاتكم عن فيديوات الصيف =)

ENJOY

Be Close

xoxo

:



Hair care #1

مرحبا حبيباتي ..

بوست اليوم حيكون عن الشعر .. أبغا اتكلم أكثر عن الشعر ..

لو كنتو حابين ممكن كمان اسوي فيديو عن روتيني في العنايه بـ شعري ..

اليوم حأتكلم عن منتج مره غريب ..

و صراحه مو عارفه اسمو حتى ..

بس كذا شكلو

اللي فيه خط أورانج للشعر المصبوغ و الأحمر للشعر العادي

هو شامبو معالج .. أنا ما استخدمو مع كل غسله لـ شعري

ممكن مره في الأسبوع تقريبا

حسيت انو يعادل الزيوت حقت الشعر .. يعني لو شعرك يزيت بسرعه أو دهني

راح يخففلك المشكله هذي و لو كان شعرك جاف راح يعادل الزيوت الطبيعيه في الشعر

بعد ما تغسلي منو و تخرجي من الحمام و كل شي حتلاحظي انو مره عقد لك شعرك

بس عادي استني لما ينشف بـ نسبة 70% بالهوا الطبيعي بعدين مشطيه

هو مو زي الشمبوهات العاديه

اقصد الشامبو العادي يكون ثقيل ..

هذا أحس انو سائل اكثر من الشامبو العادي .. لكن مو انو زي المويا ..

ريحتو غريبه هههههه .. باين ريحة دوا

بس الحمدلله الريحه ما تجلس و لا يكون لها اثر بعد الشاور و بعد ما ينشف نهائيا

نتيجته حلوه .. حسيت شعري اتحسن خاصة اني صبغتو قريب

و يعتبر ثاني مره في حياتي اصبغو .. فـ مره كنت خايفه عليه

و عشاني ناويه أطلع كل اللي ابغاه في الصبغات الآن =P

فـ لازم انتبه لو اكثر و اهتم فيه زياده

فـ طبعا حيكون هذا الشامبو شي أساسي من رحلتي في العنايه بـ شعري

حبيت ان نتايجو سريعه .. تقريبا ليّ شهر و و اسبوع و انا استخدمو

و نتايجو بدأت تبان..

هو موجود في صيدليه في التحليه .. اسمها

"صيدلية العنايه بالجلد" عارفه اسمها غريب

لكن الصيدليه متخصصه بـ كل شي للجلد

ماما اشترتلي و اشترت لنفسها .. فـ حاولت اخليها تفتكر فين مكان الصيدليه بالزبط بس ما نفع معاها

مره نسيت

حاولت ادور في النت لكن ما لقيت اي مكان محدد .. كلهم يقولو في التحليه و مكانها واضح

و على فكره هي غير عن صيدلية "اوكسجين"

اللي قدرت الاقيه انو في شارع التحليه عند البنك العربي ..

حتى بالنسبه للسعر ما قدرت تفتكر ههههههههه

لانها اشترت اكثر من شي ..

هو غالي بالنسبه للشامبوات العاديه ..

تقريبا سعرو 44 أو 50 .. او اغلى شويا

الصيدلي قال ان لها فرعين .. في جده و الرياض .. ما اعرف لو فيه في باقي مناطق المملكه

شكل الصيدليه ممتازه لان كل المنتجات اللي يبيعوها طبيه ..

افتكر شفت البرشور اللي ماما جابتو وقتها ..

ليّ زياره قريبه لها ان شاء الله و طبعا بعد ما اعرف مكانها راح اقولكم

و راح اسأل عن مكان فرعها في الرياض ..

*نسيت اقول شي .. الشامبو حق الشعر العادي سائل لونو احمر تقريبا

زي المويا .. و حق الشعر المصبوغ اثقل منو شويا ..

* مراسلتي ريم الدرويش p=  تقول انها دوبها شافت الصيدليه

قبل GNC و انتو جايين من طريق المدينه

Be Close

xoxo

:



Fishtail Braid Hair Tutorial

Hey pretties

I got a requiest on how to do a fishtail braid

so this video will show you the way

It's so easy and simple

and you can do it with alot of hairstyles

the hairstyle in the video so simple and chic

all you have to do is twist your hair from front to the back side

then start the fishtail braid

see it on the video =)

and ENJOY <3

Be Close

xoxo

:

Products I'm using now ! + My 1000 Viewers ♥

السلام عليكم ..

مره انبسطت لما شفت انو عدد زوار البلوق وصلو 1000

لكل وحده فيكم مره احبكم .. شكرا لول

عارفه ممكن 1000 ما يعتبر شي كبير .. بس انا بسطني

فـ ممكن لـ غيري ما يعني شي .. بس أنا فرحانه فيهم D=

أوكي خلاص ندخل في الموضوع :$

همم اليوم حأكتب عن برودكتس بأستخدمها في الوقت الحالي

و لسا طبعا ما شفت نتايج ..

حأكمل أستخدمها و بعدها إن شاء الله حأكتب رفيوز عنها

سواء كانت نتايج جيده او سيئه ..

مقشر Bioderma

للبشره المختلطه .. من النهدي .. بـ 80 ريال

المقشر لطيف و مو خشن مره .. شي حبيتو انو خفيف على البشره

إن شاء الله يكون كويس

معالج ليلي للشعر .. من دوف و بانتين

اشتريت الاتنين عشان أقارن بينهم ..

جالسه استخدم حق دوف أول ..

طريقة استخدامو تحطيه وقت النوم على أطراف شعرك و في النص

مره وحده في الاسبوع

مو شرط يكون الشعر مبلول أو جاف

كاتبين أنو حطيه و نامي و لما تصحي

يا تغسلي أو "تصفيفي" شعرك .. بس حسيت انو ما ينفع لازم تغسليه لأنو يدي شكل مزيت للشعر

بس ما يبقع على المخده و لا شي .. و ريحتو حلوه مو سيئه

زي ما قلت بدأت بـ دوف .. و حشوف نتايجو و بعدها بـ فتره حأجرب بانتين

من الدانوب .. دوف بـ 25.50 ريال

و بانتين بـ 17 ريال

أشتريت 3 برودكتس من POND'S

اللي غطاه بنك multi-Benefit Illuminating Cream SPF 15 PA ++ h

كريم للنهار محارب علامات تقدم البشره P=  .. و في اس بي اف ..

لسا عمري 21 بس ما يمنع اني اهتم بـ بشرتي من الآن قبل ما تطلعلي تجاعيد

وقت ما تطلع مافي فايده كبيره لـ علاجها ..

من الدانوب بـ 26.75

و ألانبوب سيروم مزيل البقع و مفتح للبشره المركز

مو مبيض .. مفتح في فرق .. المفتح بس يدي بشرتك نضاره

من الدانوب بـ 46

و اللي غطاه أحمر .. علاج مزدوج للعيون

من الدانوب بـ 58.50

شكلو من جوا .. البنك للجفن العلوي ..

و الأبيض لـتحت العين ..

إن شاء الله بعد ما أشوف نتايج البرودكتس راح أرجع أعمل عنها ريفيوز =)

عشان تشوفو الصور بـ حجم أكبر أضغطو عليها

Be close xoxo

:

Review: Braun Satin Hair straightener

في الفيديو بأتكلم عن ستريتنير براون

إن شاء الله تستفيدوا منو =)

Be Close xoxo

: