How To: Kissable Lips

HELLO

واحد من اهم الاشياء بالنسبه للعنايه بالشفايف

هي تقشيرها من فتره لفتره عشان تتخلصي من الجلد الميت

و تكون ناعمه و طريه و لونها يبرز

في اكثر من طريقه ..

*تقدري تجيبي عسل و تحطي سكر

و تقشري بـ لطف شفايفك و بعدها ترطيبيها

*أو تحطي فازلين و بـ فرشاة أسنان نظيفه تقشريها

و كلها تنفع

بس بالنسبة لـ طريقتي اللي استخدمها

و اللي مره مرتاحه عليها و نتايجها رائعه

تحتاجي :

مقشر من ذا بودي شوب .. و

Blistexمرطب

و بعد ما تجربي الطريقه ابدا ما حتستغني عنها

استخدميها مره كل اسبوع .. عشان تجددي الجلد على الشفايف

أو كل ما يكون عندك مناسبه و شفايفك محتاجه تتقشر

لما يكون عندي مناسبة بكرا و خايفه شفايفي تستهبل

و يطلع شكلها بايخ لما احط الروج

على طول اسوي طريقتي للتقشير

قبل ما انام احط من مقشر بودي شوب على شفايفي

احلى شي انو كأنو روج ..  فـ سهل انك تستخدميه بدون حوسه

لما احطو على شفايفي .. احركو بحركه دائريه

يعني أمشيه على الشفايف بحركة دوائر صغيره

كأني اسوي مساج لـ شفايفي ..

عشان اضمن انو يتوزع كويس ..

لما اتأكد انو حطيت كميه كفايه .. اروح انام

بعد ما اصحى حيبان معايا الجلد الميته و يسير مره سهل اني اشيلو

بـ اصباعي احرك على شفايفي بـ حركه دائرية نفس ما حطيت المقشر

و بشكل خفيف .. و يطلع معايا الجلد الميت ..

بعدها حتكون الشفايف مره مره ناعمه ..

يجي دور الترطيب .. من بعد ما أغسل شفايفي

ارطبها بالمرطب .. عادي لو ارطبها اكتر من مره

احيانا ارطبها مره وحده بعد التقشير و مره قبل ما احط الميك اب

و احيانا ارطبها الين موعد المناسبة ..

من جد بالنسبه لي .. احسن طريقه استخدمتها

و نتايجها مره حلوه .. و ما اتوقع حأبطل استخدمها ابدا

 المقشر طبعا من بودي شوب ريحتو نعناع .. و تقشيرو مره كويس

و المرطب من الصيدليه.. المرطب مره حلو و ترطيبو قوي

الطريقه مره مفيده خاصة لما أحط روج مات

لأنو الارواج المات تبين عيوب الشفايف

يبغالها شفايف ناعمه و مو متقشره

ان شاء الله تكوني استفدتي =)

Be Close xoxo