10‏/06‏/2012

Some ME Time #2

In Your "Me Time" Try to do Something That Makes YOU Happy



قد قبل اتكلمت عن الـ Me Time
راح أحط الرابط عشان تشوفوه


من أهم الأشياء اللي أحب أسويها في الوقت المخصص لي
إني أسوي شي يخليني فرحانه

من شخص لـ آخر يختلف هذا الشي
لكن أنا مثلا .. إني أكل كوكيز و أشرب قرين تي مره يسعدني :$

فـ انتي شوفي ايش في شي تاكليه يخليكي سعيده
أو شي تسويه يسعدك ..
حتى لو كنتي تسوي رجيم .. ما يضر انو يوم في الأسبوع تخليه لـ نفسك و نفسيتك و تسعديها =)

أكل كوكيز و أشرب قرين تي و أتفرج على
مسلسل Friends
يعتبر وقت سعيد بالنسبه لي
و ما أسمح لأحد أو لأي شي أنه يخرب عليّ اللحظه الممتعه هذي
عادي بعد ما أدلع نفسي و انبسط أقدر أرجع لـ أي شي ثاني في الحياه
و أكمل شغلي

الوقت المخصص لـ نفسك انتي حره تسوي فيه أي شي يريحك
شوفي ايش نفسك و سويه
او ايش في شي اهملتيه في نفسك و احرصي انك تخصصي لو يوم

نفسيتك أهم شي .. لما تكون عندك المقدره على اسعاد نفسك
راح تجيكي المقدره انك تسعدني اللي حولك و اللي تحبيهم ..




لا تبخلي عليكي بـ شي
و لا تحطي أحد مين ما كان قبل إحتياجاتك
هذي مو أنانيه .. بالعكس انتي لما تهتمي بـ نفسك و بـ نفسيتك
راح تقدري تعطي و تسعدي كل اللي تحبيهم

لكن لما تحطي الناس و هموم الناس قبل راحتك انتي
صدقيني حيجي يوم و تنفجري و تسير مشاكل ما لها حل

:


واحد من أوقاتي السعيده و اللي أحرص إني أدلع نفسي فيها هي
 لما يكون كوب القرين تي دافي
و الكوكيز دوبي خرجتو من المايكرويف و يسيح في فمي
و افتح اللاب توب و افتح على أي حلقه عشوائيه من مسلسلي المفضل
و أنوار الغرفه تكون مطفيه ما عدا نور خفيف يروق الجو


و إن شاء الله حأرجعلكم بـ تكمله لـ سلسلة
Some Me Time
و أفكار ممكن تفيدكم و تساعدكم انك تخصصو وقت لـ نفسكم =)


و إنتي .. إيش الشي اللي تسويه و يحسسك بـ سعاده =) ؟
*شي تسويه لـ نفسك مو شي للناس .. شي انتي الوحيده المستفيده منو*



Be Close
xoxo



:

هناك 6 تعليقات:

  1. غير معرف10/6/12

    ااااه اسئليني انا ع اوقات تدليع نفسي احسي خربت من كثر مادلع نفسيي ههههه
    انا اقسم نفسي الى سنويه وشهريه واسبوعيه
    السنويه يكون بيوم الميلاد ا،ميلادي اللي فات رحت نمت بفندق هههه اللحالي بس اخوي البزر محرم شي شي شييييييي سريرهم يجننن
    وحركات وسرفت مبلغ وقدره
    وبالنسبه للشهريه مافيه احسن من جلسة حمام بخاررر وفيلم

    ردحذف
    الردود
    1. هههههه شطوره
      كملي .. و يا رب دايما تكوني سعيده =)

      حذف
  2. لما اجلس ع اليوتيوب واتابع قنوات التجميل مرررره انبسط وأكيف

    ردحذف
    الردود
    1. مره حلو ردك .. فعلا شي ممتع =)

      حذف
  3. اجمل الاوقات عندي لما اتابع , فرينديز, نيو قييرز , + كيك شوكولاته, عصير المنجوو....


    أعجبني فكرة موضوعك جدا ممتميزه !.:)

    ردحذف
  4. lowec20/6/12

    آلفكرره مرره ححلوه , ع بآلي بس أنآ ألي أستمتع بهالأشياء كنت آحسها نفسيه ههههههههههه !!
    أحب آكل آلمآرشميلوز + آلشآي الأخضر ,.
    بس طبعاً أطلع بالحوش أو أكون بالغرفه لوحدي وأجلس أفكر مع نفسي وآشرب ^^"
    آحس هآلشي ممتع ومسأله أني أفكر مع نفسي يخليني أكتشف أشياء أو أناظرها من منظور مختلف نوعاً مآ ! وآحس أنه يحل بعض المشآكل بالنسبه لي ,.

    وشكراً دلبووو~~

    ردحذف

Leave a Comment Please =)