24‏/04‏/2012

Boyfriend Jeans style ..

مرحباا



موضه البويفريند جينز كانت موجوده من 2009
لبسوها كثير و خاصة المشاهير ..

ليش اتسمى بويفريند جينز
لانو لما تلبسيه يبان كأنو حق أولاد
او كأنك اخذتيه من ولد


البويفريند جينز لازم تكون قصته واقفه
ما يكون سكيني
و لا يكون واسع مره
و لا يكون من فوق ضيق و من تحت واسع مره

يكون واقف و مستقيم

عشان توصلي لـ لوك البويفريند جينز
حاولي تلبسي معاه حزام جلد يكون يشبه حق الاولاد
الحركه اللي حتكمل اللوك انك تلفي او تعكفي الجينز من تحت عشان يعطي مظهر انو الجينز كبير عليكي
و محتاجه تلفيه .. للمصداقيه يعني p=



 فيكتوريا هنا ما لفتو من تحت .. بس حسيتو حلو
زبطت اللوك من ناحية الحزام
و حبيت التي شيرت حسيت اللوك مره مريح
و لابسه معاه فليب فلوب
انتي مو مجبوره انك تلبسي تي شيرت اولاد كمان معاه
تقدري تخليه قيرلي و يبين انك بنت
لانو الهدف من اللوك مو انك تكوني مسترجله
الهدف انو يطلعك كيوت



حبيتو برضو .. و الصندل جاي معاه


اللوك هنا احلى من اللي فوق ..
هنا يبان انو مو شرط تلبسي البويفريند جينز بس في يوم عادي
تقدري تخليه "dressy"
و يكون عملي


يقولو انو غلط تلبسي معاه boots
او all star
يعني جزم عموما .. لانو لوك للربيع و الصيف
و المغزى من البويفريند جينز انو تبان سيقانك بشكل بسيط فـ حيطلع الشكل اهبل لو لبستي boot معاه

تقدري تلبسي صنادل و هيلز و فليب فلوبز
همم شخصيا احس ما البسو مع هيلز
لاني لو حسوي اللوك حيكون عشاني ابغى شي مريح و في نفس الوقت ستايلش
لكن ممكن ممكن يتلبس معاه هيلز و يطلع dressy
لو انتي رايحه مناسبه مثلا .. لكن حلو يتلبس بـ طريقه مريحه لانو اللوك جدا عملي و مريح

بالنسبه لـ ايش تلبسي معاه .. تقدري تكملي اللوم بـ hoodies
او اي تي شيرت اسود او ابيض .. اللي هي التي شيرتس البايسيك
ممكن تلبسي شي شويا شويا واسع لكن مو فضفاض .. لانو حلو تبيني انوثتك معاه
تقدري تلبسي بلايز حقت سهره و معاها هيلز لو كان في مناسبه لكن لازم تنتبهي لانو ممكن تخربي اللوك
مو اي بلايز سهره تمشي معاه
و ممكن تلبسيه مع بلايزر .. يطلع عملي و ستايليش


مره عجبني


هنا مثال لو تبي تلبسيه مع هيلز .. تقدري تعملي سيرتش عليه حيطلعلك كثير مشاهير لابسينو مع هيلز و في مناسبات


مره مره سيئ .. احس خربتو .. اللوك مره زحمه ما عجبني


ما عجبني عليها ما ادري احس في شي غلط






عجبني اللي على جينيفر انيستون .. حبيت كيف التوب حقها مبين انها بنت يعني ما لبست عليه
تي شيرت واسع و اخفت انوثتها


سيئين كلهم احس ..








طيب اللي تحتاجيه عشان توصلي لـ شكل الجينز المناسب
تكون رجوله مستقيمه ..
تلفيه من تحت عشان يبين شويا من سيقانك
حزام جلد شيبه لأحزمة الرجال
و التوب انتي شوفي اللي يناسبك

الترند هذي مو على طول حبيتها
انا لسا بين و بين
بس حسيت حيكون مره ممتع اني احاول اجربها و اسويلها ستايل
الحلو في اللوك انو جدا مريح و هومي ..
اتوقع اني حأجربو مع هيلز كمان ..
ان شاء الله قريب حأعطيه فرصه و اشوف ايش يطلع معايا ..

ايش رايك انتي ؟ عجبك الترند او لا ؟
و تحسي ممكن تلبسيه ؟


Be Close
xoxo


:


هناك 4 تعليقات:

  1. غير معرف25/4/12

    عجبني مره كا راحه
    ممكن ألبسو في بيت و جمعه اخواني وكدا بس قدام ناس تانيه ما احس اتجرء ألبسو :/
    ... Mofa

    ردحذف
    الردود
    1. ايوا انا كدا كنت افكر ..
      احس لسا ما استوعبوه هنا p=
      Love u xx

      حذف
  2. ممرآ عجببني ألآستآيل ، وومريييح

    حبيتوو مع الصندل آكثر من الهيلز ,.

    آن شآء الله آجرربو ^^" ،، ثثآنككس

    ردحذف
    الردود
    1. حسيت مره جوك .. و يليق لك
      ولكممم

      حذف

Leave a Comment Please =)