19‏/04‏/2012

WHAT'S "THE WRONG" WITH MY NAME ?!!

:



صدمني قبل فتره موقف
واحد ما رضي يقول اسم امو او اخواته
ما راح ادخل في تفاصيل الموقف .. لكن خلاني افكر انو معقول لسا الناس تفكيرهم محدود !!

او يجيكي ولد صغير حتى ما وصل سن البلوغ و يا ويل يسمع اسم اخواتو على لسان احد
لانهم ربوه على عادات عائليه مو دينيه

هذا الشي يندرج تحت "عادات عقيمهّ" ابغا افهم نقطه
كيف ممكن احد يكون مستحي او خجلان انو يذكر اسم امو او اخواته
اللي ينحرج من اسم امو .. ما شفنا الرسول عليه الصلاة و السلام محرج من انو ذكر اسماء نسائه
ليش انتو احسن من الرسول عليه الصلاة و السلام ؟

عارفين كل اسامي امهات المؤمنين الطاهرات .. هل الشي هذا قلل من قدرهم او عفتهم !!
بعض الشباب الله يهديهم ماسكين الموضوع انو خدش في الشرف
لو كان حرام ما كان الرسول ذكر اسماء زوجاتو

مبدأي في حياتي انو امشي مع تقاليد الاسلام و ليس تقاليد المجتمع
" مع العلم انو لسا قدامي كثير اني اوصل للإلمام التام لـ ديني الرائع"
مجتمع غريب "و لا اعمم" كيف يضربو الف حساب للعادات و ما يشوفوها من منظور الاسلام

التخلف الموجود ابدا مو من الاسلام .. ديننا كامل و واضح ..
العادات و التقاليد هي الحواجز

ما انكر طبعا انو في عادات و تقاليد صحيحه 100%
و هي اللي تتماشى مع الاسلام و الدين فرضها علينا

لكن 2012 و انت لسا ما تبغا تقول اسم امك ؟
اجعلها مصدر فخر لك و مو مصدر خزي

لو تبغو تعيشو الحياة الصحيحه صدقوني امشو مع تقاليد الاسلام ..

غلطه بشعه جدا لما نخلي مسار حياتنا و مبادئنا هو عادات قبائلنا و اجدادانا اللي مالها اي صله بالاسلام
اي تقاليد و عادات مو موجوده في الاسلام لا في القرآن و لا في السنه مو مجبوره اتبعها
انا انخلقت عشان امشي مع تقاليد اسلامي


إسمي الجوهره القحطاني و بابا و اخواني فخورين =)




رأيي و مبادئي ليش بالشرط أن تناسب الجميع لا افرض رأيي على أحد و إنما ألقيه
فـ ان طاب لك شكرا .. و ان لم يطب فـ اختلاف الآراء لا يفسد للود قضيه =)




Be Close
xoxo





:

هناك 8 تعليقات:

  1. غير معرف19/4/12

    allllllah ys3d 8albek ya jojo
    sara Jaber

    ردحذف
  2. غير معرف19/4/12

    Mnnnn Jddd Jojii this is a big silly problem ma 5l9o mnaha alsh3b!!! Yslm bo2k <3
    Al3noud

    ردحذف
  3. غير معرف20/4/12

    من جد انا معاكي. . بس بحكم اني ناقشت ناس كتير في دا الموضوع
    فا سرت بشوف انو على حسب الشخص اللي قدامك و حسب الموقف لانو في ناس تستغل اي شي بالشر
    فا انت يا رجل اذا كنت بمكان ما راح تخسر شي ولا انت متأذي من شي بس كذا عباطه ولا فلان لا يعرف وفلان ايش يقول ولا بس هيا عاده بحياتك وخلاص. .لا!! ليش!! ما تقول و
    تفتخر كمان. . بس اذا كان الموضوع ممكن يجيب مشاكل مع ناس مريضه فا انا اعذرو لانو حتى انا ساعات في ناس تخليني اتصرف تصرف مو مقتنعه منو عشان اكف شرهم عني..

    Mofa. ..

    ردحذف
    الردود
    1. كلامك صحيح
      انا ابدا ما اتكلم عاللي عندو عذر

      انا اتكلم عاللي من جد شايف انو عيب .. و لو اسم امو انعرف تلاقي وجهو سوّد و راسو في التراب .. طيب ليش ؟
      أو انو من كثر ما هو متشدد و متحفظ على اسماء اخواتو ممكن توصل فيه انو يمد يدو على اختو او يهزأها
      البنت ما سوت شي غلط

      نقطتي عن اللي فاهمين الاشياء غلط .. يعني انت كـ مسلم اللي واجب عليك تتبعو هو تعاليم الاسلام من حلال و حرام .. لكن تحرم شي حلال و تسوي عواقب عليه .. هذا مع احترامي تخلف

      و فعلا اللي قلتيه .. الله يهديهم في ناس تحسي تضطري تتعاملي معاهم بـ بطريقه معينه عشان لا يجيكي اذى منهم

      يسعدك موفا .. وحشتيني

      حذف
  4. جوجو مآي سيستر =) آنآ مرآآآآآ فخورة فيكِ ، وكلآمك صصح
    "اجعلها مصدر فخر لك و مو مصدر خزي" <- منن جدددد وآلللللللله
    يعني آنآ مو فآهمة ايش السبب ورآ ههذآ الآعتقآد الغبي ><"
    ع العمووم ممرآ ثآنكس ع الموضوع سسو بيرفكت ^^
    إسمي عبير القحطاني و بابا ومآمآ و اخواني وآخوآتي وصحبآتي فخورين فيني D= . .
    Bye Bye . .

    ردحذف
    الردود
    1. ههههههههههههههههههه .. حياتي انتي
      كلنا فخورين فيكي =)
      يسعدلي قلبك

      حذف

Leave a Comment Please =)