06‏/05‏/2012

Beesline Deodorant .. Not a day without it




السلام عليكم ..



اليوم حأتكلم عن ديودرنت أستخدمو من فتره تقريبا 5 شهور

من شركة بيزلين

طبعا بيزلين معروفه و معروف عنها ان أغلب منتجاتها ما تتكون بمواد كميائيه كثير

هذا الشي اللي خلاني أثق اني اشتري الديودرنت منهم

لاني ما ابغا ديودرنت "مزيل العرق"
و انتبهي تشتري "مزيل العرق" لانو جدا سيئ

منطقة الإبط تعتبر من المناطق الحساسه في الجسم
جدا سيئ انك تحبسي تعرقها و تخلي المسامات تتقفل
العرق راح يتخزن في المسامات بالتالي يسبب تغير لون الجلد و حتغمق المنطقه
غير انو ممكن يسبب تكون أورام سرطانيه بعيد الشر عنكم ..

فـ عشان كذا حاولي تنتبهي انك ما تاخذي "مزيل عرق" خذي "مزيل رائحه"
و اقري المكونات قبل ما تشتري الديودرنت
لما تلاقي كلمة Antiperspirant
اتجنبيه لانو هذي الماده تحبس العرق .. ما راح تفيدك صدقيني
لو بس موجود كلمة Deodorant
هذا عادي =)

نقطه ثانيه .. لا تستخدمي ديودرنت معطر او محتوي على عطور
لان منطقة الإبط من المناطق المحبوسه مو مكشوفه
فـ لما تستخدمي ماده معطره عليها مع الاحتباس و الحراره .. راح تسمرلك الجلد

و هذا سبب ثاني اني اشتريت حق بيزلين .. انو بدون عطور
طبعا فيه ماركات اخرى يكون الديودرنت مو معطر .. فـ انتي شوفي اللي يناسبك
و اختاريه ما يكون معطر .. و اكتفي انك تعطري جسمك بس

انا استخدم حق بيزلين و الحمدلله ممتاز
استخدمو مره وحده في اليوم و ما اواجه اي مشاكل معاه =)

اول ما تحطيه ريحتو غريبه هههههه
بس على طول ينشف غير انو مكتوب انو يفتح .. انا ما لاحظت فرق لان الحمدلله المنطقه مو غامقه عندي
لكن سمعت اكثر من وحده استخدمتو و فعلا فتحلها المنطقه .. فـ لو حابه تجربيه ما راح يضرك
بس حاولي تستخدميه يوميا عشان مفعولو يدوم

إن شاء الله البوست حق اليوم افادكم =)

Be Close
xoxo




:



هناك 9 تعليقات:

  1. غير معرف6/5/12

    what program do u edit ur videos with? nd how do u link a video in another video in a way that we can press on it nd open it?
    thnx :)

    ردحذف
    الردود
    1. Sony Vegas
      and i don't think I'm able to explain it to you here lol
      the link you put it from the youtube

      حذف
    2. مررره شكرا

      حذف
    3. عفوا يا قلبي =)

      حذف
  2. بوست مفيد جدن جدن

    في معلومات اول مرة اعرفها

    بس ولا مرة شفت هالبراند بدبي:( على كثر ما اشوف بنات يتكلموا عنها

    ردحذف
    الردود
    1. أهلين =)
      حياتي انت مبسوطه اني افدتك ^^
      لا تفوتك .. لو قدرتي توصلي لها ..

      حذف
    2. حبيبتي نسيت اقولك ان لو بديل اللي هو الديودرنت من vichy اتوقع تعرفي الماركه
      اختاري اللي مو معطر و ما يحبس العرق .. =)

      حذف
  3. فيشي موجودة بس مدري ما اتمس لهالماركة .. حاليا استخدم ديودرنت من بورجوا

    بس بجرب فيشي شو خسرانة

    ردحذف
    الردود
    1. أنا من قبل ما اجيب بيزلاين كنت على اساس أخذ فيتشي
      قلت واحد منهم حأخذه لانهم نفس المواصفات و سمعت مدح على الاثنين نفس الشي
      لكن اخذت بيزلاين لانو لقيته قدامي اول هههه
      جربي و ان شاء الله يعجبك =)

      حذف

Leave a Comment Please =)