15‏/05‏/2012

A Post To Relax: Some "ME Time"

واحد من أهم الأشياء اللي لازم تهتمي فيها هي نفسيتك ..
خصصي لك يوم في الأسبوع يكون يوم راحه لك

سواء يكون في ويكند أو وسط أسبوع .. اختاري يوم و خليه بس لـ نفسيتك

ما أتكلم على الاهتمام بـ بشرتك و شعرك و كذا .. لا انا اقصد دلعي نفسك في هذا اليوم ..

سوي فيه اي شي تحبيه

كل فتره و فتره حأكتب عن شي للـ ME TIME

أفكار ممكن تعجبك و تدخل الفرحه في قلبك .. يسير تسويها في يومك اللي محددتو لـ نفسك =)

كـ بدايه ..

أول شي  مافي أحلى من الباث ..

عبي البانيو مويا حاره .. و حطي فيها bubble bath
أختاري أي شي يناسبك .. كثير أماكن تبيعها .. اختاري شي عجبك و ريحتو حلوه و تخليكي تسترخي
و كمان مره وحده .. حطي أملاح البانيو .. هذي تفيد بشرتك و تجدد الخلايا السطحيه اللي على البشره
يعني انتي جالسه تسترخي و في نفس الوقت تفيدي بشرتك ..
اجلسي في البانيو .. ربع الى نص ساعه .. حاولي تسترخي و ما تفكري في و لا شي
مهما كان عندك مشاكل أو شغل أو قرارات عادي نص ساعه بريك ما حتنفجر الدنيا .. كل شي لاحقه ترجعيلو بعد ما ترتاح أعصابك

لما تكون نفسيتك أحسن .. تلقائيا حـ تقدري تواجهي أي شي بعدها .. فـ مهما كنتي مشغوله انتبهي تنشغلي عن نفسك ..
نفسيتك أهم من أي شغل في الحياه .. ما حتقدري تنجزي لو كنتي متوتره أو مضغوطه ..

انا عارفه انو أحيانا صعب مره صعب يكون في بالك موضوع و ما تفكري فيه .. لكن دربي نفسك على انو ليكي يوم في الاسبوع
تدخلي فيه البانيو و تنسي كل شي و تدلعي نفسك ..


حاليا أصحابي اللي استخدمهم في البانيو :


كلهم من باث اند بودي
أول واحد على اليسار .. اسمو "night time tea "
how cute lol
اسمو يخليكي تسترخي ههههه
اللي في الوسط أملاح .. تحطيها في المويا و تذوب مع المويا
اخر واحد على اليسار .. ياسمين مع فانيلا .. مع اني ما احب ريحة الفانيلا تجيبلي صداع =S
بس ابدا ريحة الفانيلا مو باينه .. بالعكس ريحتو تعطي نشاط و حيويه ..
أحلى شي في الـ baths
انك تقدري تسويها في الصباح و تكملي يومك و انتي منتعشه
او تسويها وقت الليل و يسترخي جسمك و تقدري تنامي مرتاحه ..

بعد الهوت باث .. افتحي المويا البارده و خليها تمشي على جسمك .. تشد بشرتك و تعطيكي انتعاش ..

لو كان جوالك يضايقك وقتها .. تقدري تخليه سايلنت و تنسي كل شي .. عادي نص ساعه ما راح تخرب شي
بالعكس حترجعي للأشغال بـ نفسيه جاهزه ..

=)


This is the first post 3n al ME TIME
TO BE CONTINUOUS

Be close
xoxo




:

هناك 8 تعليقات:

  1. غير معرف15/5/12

    كلامك جبلي الاسترخاء من قبل ما اجربو لول
    حبيت الموضوع مره. .من جد ما يتعب الواحد إلا التراكمات اللي فوق بعض

    Mofa

    ردحذف
    الردود
    1. هههه حياتي موفا
      من جد و الله
      الله يريحك دايما حبيبي

      حذف
  2. غير معرف4/6/12

    والله مدونه بالمرا راقييه ولزيييزه بجد ثانكس
    بس بدي اعرف انتي من جده كيف اشتريتي من باث اند بودي وركس وهوا مالو فرع بجده؟؟

    ردحذف
    الردود
    1. يسعدلي قلبك حبيبي من ذوقك =)
      فيه في الرياض تقدري توصي احد يجبلك
      انا عادتن ابو صحبتي يجبلي معاه دايما
      و تقدري تطلبي من النت =)
      و يا رب يفتح عندنا قريب

      حذف
  3. غير معرف13/6/12

    اكتشفت البلوق بالصدفه# الله عليك تعطسي روح ايجابيه بكلام بسيط .. الله يوفقك @نوني

    ردحذف
    الردود
    1. يسلملي قلبك يا شيخه .. :$
      من ذوقك و الله =)
      و حبيت "أعطس إيجابيه" ههههههههه
      الله يوفقنا جميعا .. يسعدك ربي يا نوني =)

      حذف
  4. حبيبتي شري انا معجبه فيكي انت قمه الله يحفظك من العين
    ارقي نفسك تكفين خايفه عليك من الحسد
    حبيبتي يشرفني تزوري مدونتي
    http://alamurahq8.blogspot.com/
    وانا نكون صديقات
    وممكن اطلب منك طلب
    1- ابي تعليمني كيف عملتي اعداد ارشيف مدونتك يعني البيوتي بصوب والرفيو بصوب بقلدك
    2- في اليوتيوب شو البرنامج اللى تعملى فيه فيديوتك
    +
    اتمنى تجربين بعض الاشياء اللى استخدمتها بمدونتي وتعملى رفيو عنها
    وتذكري مدونتي عشان البنات يستفيدو
    والف شكر
    لك

    ردحذف
  5. حياتي شيري مره حبيت هالجانب
    الله يخليكى كثري من هالاشياء
    فعلا محتاجين تايم لنفسنا
    ندلع فيهم عمرنا
    انا اروح لسبا لما تتعب نفسيتي
    http://alamurahq8.blogspot.com/

    ردحذف

Leave a Comment Please =)